Konstantın Malınovskıı el rekordyn qaıtalap, Álem kýbogynyń fınalyna shyqty

Búgin mergen Konstantın Malınovskıı Germanııanyń Mıýnhen qalasynda nysana kózdeýden ótip jatqan Álem kýbogynyń sheshýshi kezeńinde fınalǵa shyqty, dep habarlady Týrızm jáne sport mınıstrligi Sportty damytý dırekııasy.

Ol 50 metrge 3 pozıııada vıntovkamen nysana kózdeýdiń irikteýde 593 upaı jınap, besinshi oryn aldy.

Erteń Konstantın Malınovskıı fınalda júldege talasatyn 8 adamnyń arasynda bolady. Ol keshe alǵashqy irikteý aınalymynda 585 balǵa ıe bolyp, 140 sportshynyń arasynan tańdaýly 70 atlettiń qataryna qosylǵan.

Keshe alǵashqy irikteýge qatysqan 140 sportshynyń arasynan negizgi kezeńge shyqtym. Búgin bári ózim oılaǵandaı boldy. Bir aı buryn Rıodaǵy kezeńde 593 upaı jınap, Qazaqstan rekordyn jasaǵanmyn. Mana sol kórsetkishimdi qaıtaladym. Erteńgi fınalǵa daıynmyn,-dedi ol irikteýden keıin Sportty damytý dırekııasyna bergen suhbatynda.

Konstantın Malınovskıı bir aı buryn Rıo-de-Janeıroda ótken Álem kýbogynda fınalǵa jetip, besinshi oryn alǵan (50 m). Sondaı-aq ol byltyr Jakartadaǵy kezeńde kúmis júldeni ıelengen(10 m). Budan basqa byltyr Ońtústik Koreıada osy jattyǵýda (50 metr) Azııa chempıony atanǵan.