Búgin IýNESKO-nyń Dástúrli sporttar men oıyndar komıtetiniń ókilderi resmı is-saparmen Elordaǵa keldi.
Bul mártebeli meımandardyń Qazaqstanǵa arnaıy at basyn burýynyń basty sebebi – 1-2 maýsym kúnderi Astanadaǵy «Qazanat» atshabarynda ótetin Teńge ilýden II Azııa chempıonaty men Aýdaryspaqtan III Azııa chempıonatyn tamashalaý. Sebebi, 2021 jyly alǵash ret álemdik etnosport oıyndaryn uıymdastyrý josparǵa engizilýde. IýNESKO aıasynda tý kóterýi múmkin osy álemdik básekeni ótkizýge laıyq tórt memlekettiń qatarynda Qazaqstan Respýblıkasy da bar. Sondyqtan, IýNESKO-nyń Dástúrli sporttar men oıyndar komıteti ókilderi Astanada ótetin Azııa chempıonattaryn jaı ǵana tamashalaýmen shektelmeı, bizdiń eldegi ulttyq sport jarystarynyń uıymdastyrylýyn, nasıhattalýy deńgeıin, jalpy hal-ahýalyn, tipti, jankúıerdiń qyzyǵýshylyqtaryn óz kózderimen kórmekshi.
Astanadaǵy Ulttyq mýzeıde búgin IýNESKO ókilderimen arnaıy kezdesý uıymdastyryldy. Mártebeli meımandar Mádenıet jáne sport mınıstri Arystanbek Muhamedıulymen, Ulttyq sport túrleri qaýymdastyǵynyń qurmetti prezıdenti Qaırat Satybaldyulymen jáne Ulttyq sport túrleri qaýymdastyǵynyń prezıdenti, Májilis depýtaty Bekbolat Tileýhanmen júzdesip, álemdik etnosport taqyrybynda kelissózder júrgizdi.
Shara aıasynda IýNESKO, Mádenıet jáne sport mınıstrligi jáne Ulttyq sport túrleri qaýymdastyǵy arasyndaǵy ózara túsinistik jónindegi memorandýmǵa qol qoıyldy. Sondaı-aq, IýNESKO ókilderiniń Azııa chempıonatyna qatysatyn 9 memleket komandalarynyń jetekshilerimen, elimizdegi ulttyq sport jáne sporttyń jetekshi mamandarymen «Etnosportty damytý jáne nasıhattaý» taqyrybyndaǵy semınar-keńesi tyńdaldy.
Kezdesý sońynda IýNESKO-nyń Dástúrli sporttar men oıyndar komıtetiniń tóraǵasy Halıl Ahmed Han, komıtettiń úılestirýshisi – Marsellın Dellı jáne komıtettiń hatshysy Shammı Rana myrzalar Qazaqstandaǵy ulttyq sporttyń órkendeýine tilektestik bildirip, resmı qabyldaýǵa óz rızalyqtaryn jetkizdi. О́z kezeginde qazaqstandyq resmı delegaııa Azııa chempıonattaryna IýNESKO-nyń osylaısha nazar aýdarǵanyna alǵys aıtyp, keleshekte etnosportty álemdik deńgeıde birge nasıhattaı bastaıtynyna senimderin bildirdi.
Mádenıet jáne sport mınıstrliginiń baspasóz qyzmeti