الماتىدا «دۇيسەنبىلىك سپورت» جوباسى جالاۋ كوتەردى

الماتىدا «دۇيسەنبىلىك سپورت» جوباسى اياسىندا NEET ساناتىنداعى جاستار اراسىندا ۆولەيبولدان چەمپيونات بولدى.

بۇعان دەيىن «دۇيسەنبىلىك سپورت» جوباسى اياسىندا الماتى قالاسى بازار جاستارىنىڭ اراسىندا شاعىن فۋتبولدان تۋرنير وتكەن بولاتىن.

بيىلعى دوداعا «قىرعاۋىلدى»، «باقوردا»،  «ارعىماق»، «ارعىماق1»، «التىنوردا»، «باقوردا» ت.ب ساۋدا ورتالىقتارىندا جۇمىس ىستەيتىن جاستار مەن NEET ساناتىنداعى VKM، «بەلگىباي»، «وتاۋ-قۇرمەت» ياعني، جۇمىسسىز جاستاردان قۇرالعان 16 كوماندا قاتىستى.

جىل سايىن داستۇرگە اينالعان «دۇيسەنبىلىك سپورت» جوباسىنا تاپسىرىس بەرۋشىسى – الماتى قالاسى جاستار ساياساتى باسقارماسى. ونى ۇيىمداستىرۋ بيىل بايقاۋ قۇجاتتارىنا سايكەس Social project management» ورتالىعى قوعامدىق قورىنا جۇكتەلدى.

چەمپيونات ەكى سپورت زالدا قاتار بولدى.

العاشقى ىرىكتەۋ كەزىندە 16 كوماندا ەكى توپقا ءبولىنىپ، ءوزارا ىرىكتەۋ ويىندارىن وتكىزدى. كوماندالار كەرەمەت ويىن ورنەگىن كورسەتۋگە تىرىسىپ-اق باقتى. شيرەك فينال مەن جارتىلاي فينالدىق سايىسقا سۇرىنبەي جەتكەن كوماندالار اراسىنداعى ويىن تارتىستى ءوتتى.

فينالدا «بەلگىباي» مەن «ارعىماق» كوماندالارى التىن مەدال مەن كۋبوك ءۇشىن جان الىسىپ، جان بەرىستى. فينالدىق باسەكەدەگى ەكى كوماندانىڭ شابۋىلشىلارى بار ايلا-ءتاسىلىن قولدانىپ-اق باقتى. دەگەنمەن 2:0 ەسەبىمەن «بەلگىباي» كومانداسىنىڭ جىگىتتەر باسىم ءتۇسىپ، التىن جۇلدەنى جەڭىپ الدى.

چەمپيونات قورتىندىسى بويىنشا ءبىرىنشى ورىن العان «بەلگىباي» كومانداسىنا 250 مىڭ تەڭگەنىڭ، ەكىنشى ورىن العان «ارعىماق» كومانداسىنا 150 مىڭ تەڭگەنىڭ، ءۇشىنشى ورىن العان ەكى كوماندا «وتاۋ-قۇرمەت» پەن VKM كوماندالارىنا 50 مىڭ تەڭگەنىڭ سەرتيفيكاتتارى تابىس ەتىلدى.

ەندى الداعى ۋاقىتتا «دۇيسەنبىلىك سپورت» جوباسى اياسىندا NEET ساناتىنداعى جاستار اراسىندا باسكەتبولدان كەمىندە 16 كوماندا قاتىساتىن جارىس ۇيىمداستىرۋ جوسپاردا بار. سونىمەن بىرگە  ۇستەل تەننيسى مەن كيبەرسپورت بويىنشا چەمپيوناتتىڭ دا جالاۋى كوتەرىلەدى.

رۇستەم جۇمان،

الماتى