Sadaq atýdan ulttyq qurama Álem kýbogyna qatysady

18-23 maýsym aralyǵynda Túrkııanyń Antalıa qalasynda sadaq atýdan Álem kýbogynyń úshinshi kezeńi bolady, dep habarlady Týrızm jáne sport mınıstrliginiń Sportty damytý dırekııasy.

Ulttyq quramada el namysyn sadaq atýdyń klassıkalyq túrinen Ilfat Abdýllın, Dáýletkeldi Jańbyrbaı, Aleksandr Eremenko, Alına Ilıasova, Dıana Tursynbek, Elızaveta Avdeeva, sadaq atýdyń blok túrinen Býned Mırzametov, Andreı Tıýtıýn, Adel Jeksenbınova qorǵaıdy.

Ulttyq quramanyń bas jattyqtyrýshysy – Artem Kıchkın.

Jarysqa barlyǵy 62 memleketten 285 mergen qatysady. Irikteý 4 kúnge sozylady. Al fınaldar 22-23 maýsymǵa belgilengen.