Fýtboldan ÁCh: О́zbekstan men Qyrǵyzstan irikteý týrnırine shyqty

О́zbekstan men Qyrǵyzstan elderiniń ulttyq qurama komandalary fýtboldan 2026 jyly ótetin álem chempıonatynyń Azııa qurlyǵy boıynsha irikteý týrnırine shyqty. Olardan basqa taǵy 16 eldiń quramalary irikteý týrnırine joldama aldy, dep habarlady uza.uz.

Keshe Azııa qurlyǵynda 2026 jylǵy álem chempıonatynyń altynshy kezeńi men 2027 jylǵy Azııa kýbogynyń birlesken irikteý kezeńiniń matchtary boldy.

Osy irikteýde úzdik nátıje kórsetken О́zbekstan, Aýstralııa, BAÁ, Bahreın, Japonııa, Iran, Ońtústik Koreıa, Katar, Saýd Arabııasy, Irak, Iordanııa, Oman, Qytaı, Palestına, Qyrǵyzstan, KHDR, Indonezııa men Kýveıt chempıonattyń úshinshi kezeńine shyqty.

Endi olar 2026 jylǵy álem chempıonatynyń irikteý týrnıriniń úshinshi kezeńinde kúsh synasady. Dálirek aıtsaq, 27 maýsymda jerebe tartylyp, komandalar úsh topqa bólinedi.

Komandalar jerebe aldyndaǵy myna sebetterge bólindi:

1-sebet: Japonııa, Iran, Ońtústik Koreıa

2-sebet: Aýstralııa, Qatar, Irak

3-sebet: Saýd Arabııasy, О́zbekstan, Iordanııa

4-sebet: BAÁ, Oman, Bahreın

5-sebet: Qytaı, Palestına, Qyrǵyzstan

6-sebet: KHDR, Indonezııa, Kýveıt

Álem chempıonatynyń úshinshi irikteý kezeńi 5 qyrkúıekte bastalady. Bul kezeńde 18 komanda árqaısysy alty komandadan turatyn úsh topqa bólinip, óz alańynda jáne msyrt alańda oınaıdy. Ár toptyń úzdik eki komandasy 2026 jylǵy álem chempıonatyna tikeleı joldama alady.

XXIII álem chempıonaty 2026 jyly AQSh-tyń 11 qalasynda, Meksıkanyń 3 jáne Kanadanyń 2 qalasynda maýsym men shilde aılarynda bolady. Fınal 19 shildege josparlanyp otyr.