SportPress.kz قازاقستان سپورت جاڭالىقتارى
دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ ديرەكتسياسى استانادا 8-13 قىركۇيەك ارالىعىندا وتەتىن كوشپەندىلەر ويىنىن تاماشالاۋعا كەلەتىن تۋريست سانى 100 مىڭنان اسۋى مۇمكىن ەكەنىن حابارلادى.
دۇنيەجۇزىلىك كوشپەندىلەر ويىندارىنىڭ باعدارلاماسى سپورت، مادەنيەت، عىلىم سىندى نەگىزگى ءۇش سالانى قامتيدى. وسى ءۇش سالانى بىرىكتىرۋدىڭ ارقاسىندا كوشپەندىلەر مادەنيەتىن زەرتتەپ، الەمدىك دەڭگەيدە ناسيحاتتاۋ مۇمكىندىگى ارتادى.
5-ءشى دۇنيەجۇزىلىك كوشپەندىلەر ويىندارىندا ات سپورتى تۇرلەرى، ۇلتتىق كۇرەس تۇرلەرى، ساداق اتۋ، ينتەللەكتۋالدى ويىندار، ساياتشىلىق ونەر، جالپى سانى ۇلتتىق سپورتتىڭ 21 تۇرىنەن جارىس وتەدى. جارىسقا جالپى سانى 2 500 سپورتشى قاتىسادى.
«قازانات» يپپودرومى مەن ونىڭ ماڭىندا ورنالاساتىن «كوشپەندىلەر الەمى» ەتنواۋىلىندا ات جارىس، كوكپار، ساياتشىلىق ونەرى مەن ساداق اتۋ جارىستارى بولادى. جاقسىلىق ۇشكەمپىروۆ اتىنداعى جەكپە-جەك سارايى مەن «الاۋ» مۇز ايدىنىندا» ۇلتتىق كۇرەس تۇرلەرىنەن، «دۋمان» قوناق ءۇي كەشەنىندە ينتتەلەكتۋالدىق ويىندار سايىسى وتەدى. اشىلۋ سالتاناتى «استانا-ارەنا» ستاديونىندا، جابىلۋى «قازانات» يپپودرومىندا وتەدى دەپ جوسپارلانعان، — دەپ حابارلادى دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ ديرەكتسياسى.
قازىر «قازانات» يپپودرومىندا كۇردەلى جوندەۋ جۇمىستارى بولىپ جاتىر.
تولىق ىسكە قوسىلعاندا يپپودروم 10 مىڭ كورەرمەندى قابىلداي الادى.
«استانا-ارەنا» مەن «الاۋ» مۇز ايدىنى» سارايى دا جوندەلەدى.
كوشپەندىلەر ويىندارىنىڭ يدەياسىن تولىق اشۋ ءۇشىن ەلىمىزدىڭ بارلىق ايماعىندا «بىرلىك كەرۋەنى» جوباسى ىسكە اسىرىلادى.
«قازانات» يپپودرومىنىڭ اۋماعىندا «كوشپەندىلەر الەمى» اتاۋىمەن ەتنواۋىل قۇرىلادى. ول جەردە قازاقستان مەن الەم ەلدەرىنىڭ ۇزدىك قولونەر شەبەرلەرىنىڭ كورمە-جارمەڭكەسى، شەبەرلىك ساباقتارى وتەدى. اقىندار ايتىسى مەن ءتول مادەنيەتىمىزدى پاش ەتەتىن باسقا دا ءىس-شارالار ۇيىمداستىرىلادى.
ەتنواۋىلدى ءبىر كۇندە 30 مىڭ ادامنىڭ ارالاۋىنا جاعداي جاسالادى.
5-ءشى دۇنيەجۇزىلىك كوشپەندىلەر ويىندارى كەزىندە ۇلتتىق مۋزەيدە حالىقارالىق عىلىمي-پراكتيكالىق كونفەرەنتسيا وتەدى. وندا كوشپەلى حالىقتار وركەنيەتىنىڭ ادامزات تاريحىنداعى ماڭىزى مەن مۇراسى زەرتتەلىپ، عىلىمي باعا بەرىلەدى، — دەلىنگەن حابارلاداما.
بيىلعى كوشپەندىلەر ويىندارىنىڭ ۇرانى — « ۇلى دالا ءدۇبىرى».
دۇنيەجۇزىلىك كوشپەندىلەر ويىندارىنىڭ العاشقى ءۇش جارىسى قىرعىزستاننىڭ شولپان اتا قالاسىندا بولدى. ودان كەيىن دۇنيەجۇزىلىك ويىندار 2022 جىلى تۇركيانىڭ يزنيك شاھارىندا ۇيىمداستىرىلدى.
جاقىندا پارلامەنت سەناتى مەن ءماجىلىس دەپۋتاتتارىنا دۇنيەجۇزىلىك كوشپەندىلەر ويىندارىنا دايىندىق تانسىتىرىلدى.
تۋريزم جانە سپورت ۆيتسە-ءمينيسترى سەرىك جاراسباەۆتىڭ جەتەكشىلىگىمەن وتكەن باسقوسۋدا حالىق قالاۋلىلارىنا جەڭىمپازدار مەن جۇلدەگەرلەرگە بەرىلەتىن مەدال ۇلگىسى دە كورسەتىلدى.
