SportPress.kz Qazaqstan sport jańalyqtary
Dúnıejúzilik kóshpendiler oıyndaryn daıyndaý jáne ótkizý dırekııasy Astanada 8-13 qyrkúıek aralyǵynda ótetin kóshpendiler oıynyn tamashalaýǵa keletin týrıst sany 100 myńnan asýy múmkin ekenin habarlady.
Dúnıejúzilik Kóshpendiler oıyndarynyń baǵdarlamasy sport, mádenıet, ǵylym syndy negizgi úsh salany qamtıdy. Osy úsh salany biriktirýdiń arqasynda kóshpendiler mádenıetin zerttep, álemdik deńgeıde nasıhattaý múmkindigi artady.
5-shi Dúnıejúzilik Kóshpendiler oıyndarynda at sporty túrleri, ulttyq kúres túrleri, sadaq atý, ıntellektýaldy oıyndar, saıatshylyq óner, jalpy sany ulttyq sporttyń 21 túrinen jarys ótedi. Jarysqa jalpy sany 2 500 sportshy qatysady.
«Qazanat» ıppodromy men onyń mańynda ornalasatyn «Kóshpendiler álemi» etnoaýylynda at jarys, kókpar, saıatshylyq óneri men sadaq atý jarystary bolady. Jaqsylyq Úshkempirov atyndaǵy jekpe-jek saraıy men «Alaý» muz aıdynynda» ulttyq kúres túrlerinen, «Dýman» qonaq úı kesheninde ınttelektýaldyq oıyndar saıysy ótedi. Ashylý saltanaty «Astana-Arena» stadıonynda, jabylýy «Qazanat» ıppodromynda ótedi dep josparlanǵan, — dep habarlady Dúnıejúzilik kóshpendiler oıyndaryn daıyndaý jáne ótkizý dırekııasy.
Qazir «Qazanat» ıppodromynda kúrdeli jóndeý jumystary bolyp jatyr.
Tolyq iske qosylǵanda ıppodrom 10 myń kórermendi qabyldaı alady.
«Astana-Arena» men «Alaý» muz aıdyny» saraıy da jóndeledi.
Kóshpendiler oıyndarynyń ıdeıasyn tolyq ashý úshin elimizdiń barlyq aımaǵynda «Birlik kerýeni» jobasy iske asyrylady.
«Qazanat» ıppodromynyń aýmaǵynda «Kóshpendiler álemi» ataýymen etnoaýyl qurylady. Ol jerde Qazaqstan men álem elderiniń úzdik qolóner sheberleriniń kórme-jármeńkesi, sheberlik sabaqtary ótedi. Aqyndar aıtysy men tól mádenıetimizdi pash etetin basqa da is-sharalar uıymdastyrylady.
Etnoaýyldy bir kúnde 30 myń adamnyń aralaýyna jaǵdaı jasalady.
5-shi Dúnıejúzilik Kóshpendiler oıyndary kezinde Ulttyq mýzeıde Halyqaralyq ǵylymı-praktıkalyq konferenııa ótedi. Onda kóshpeli halyqtar órkenıetiniń adamzat tarıhyndaǵy mańyzy men murasy zerttelip, ǵylymı baǵa beriledi, — delingen habarladama.
Bıylǵy kóshpendiler oıyndarynyń urany — «ULY DALA DÚBIRI».
Dúnıejúzilik Kóshpendiler oıyndarynyń alǵashqy úsh jarysy Qyrǵyzstannyń Sholpan Ata qalasynda boldy. Odan keıin Dúnıejúzilik oıyndar 2022 jyly Túrkııanyń Iznık shaharynda uıymdastyryldy.
Jaqynda Parlament Senaty men Májilis depýtattaryna Dúnıejúzilik kóshpendiler oıyndaryna daıyndyq tansytyryldy.
Týrızm jáne sport vıe-mınıstri Serik Jarasbaevtyń jetekshiligimen ótken basqosýda halyq qalaýlylaryna jeńimpazdar men júldegerlerge beriletin medal úlgisi de kórsetildi.
