SportPress.kz قازاقستان سپورت جاڭالىقتارى
استانا قالاسىنىڭ تۇرعىنى، ىشكى ىستەر مينيسترلىگىنىڭ قىزمەتكەرى باۋىرجان قاماليەۆ 30 توننالىق مي-17 ۇشاعىن ورنىنان قوزعاپ، رەكورد جاڭارتتى. بۇل – ونىڭ بەسىنشى الەمدىك رەكوردى، دەپ حابارلادى Almaty.tv.
كۇشتىك ەكستريممەن اينالىساتىن ءىىم قىزمەتكەرى اسكەري تەحنيكانى 10 مەترگە دەيىن سۇيرەپ شىعارادى. بۇعان دەيىن ول لوكوموتيۆ تارتۋ بويىنشا الەمدىك رەكوردتى جاڭارتقان بولاتىن.
«نە بەل كەتەدى، نە بەلبەۋ كەتەدى» دەگەن. قيىن، ارينە. پەندەمىز عوي، قولىمنان كەلگەنشە تارتتىم، – دەدى ءىىم اسكەري-تەرگەۋ دەپارتامەنتىنىڭ قىزمەتكەرى باۋىرجان قاماليەۆ.
قازاقستان پوليتسياسى كۇنى قارساڭىندا وتكەن ءىس-شاراعا باق وكىلدەرى دە ارنايى شاقىرتىلدى. ولار ۇلتتىق ۇلاننىڭ اۆياتسيا بازاسىندا بولىپ، اۋە كولىكتەرىنىڭ قىزمەتىمەن تانىستى. جاڭادان اشىلعان نىسان استانا حالىقارالىق اۋەجايىنا ىرگەلەس ورنالاسقان. كەشەن 33 مىڭ گەكتار اۋماقتى الىپ جاتىر.
3656 اسكەري ءبولىمىنىڭ اعا تەحنيگى الىبەك مالعاجداروۆتىڭ ايتۋىنشا، ۇلتتىق ۇلاننىڭ اۆياتسياسى بازاسىنىڭ باستى قىزمەتى – ورتا جانە الىس قاشىقتىقتاعى قالالارعا ۇشاقپەن جۇك تاسىمالداۋ. ۇلتتىق ۇلان سۋ تاسقىنى كەزىندە حالىققا كومەككە كەلىپ، قۇتقارۋ جۇمىسىنا اتسالىستى.
