ماڭعىستاۋلىقتار «قارابۋرا» – نۇرداۋلەت جارىلعاپوۆقا سەنىم ارتادى

تۋرا ءبىر ايدان سوڭ، 8 شىلدەدە استانادا وتەتىن قازاق كۇرەسىنەن ءحىىى رەسپۋبليكالىق «قازاقستان بارىسى» تۋرنيرىنە ماڭعىستاۋ وبلىسىنان «قارابۋرا» اتىمەن تانىلعان نۇرداۋلەت جارىلعاپوۆ قاتىسادى.

بەينەۋلىك نۇرداۋلەتتەر وسال ەمەس. سولاردىڭ ءبىرى – نۇرداۋلەت قيلىباي جاقىندا ماڭعىستاۋ وبلىسىنىڭ 13-اكىمى بولدى. ال نۇرداۋلەت جارىلعاپوۆ 13-رەسپۋبليكالىق «قازاقستان بارىسى» تۋرنيرىندە جەڭىمپاز اتانسا، بەرىسى – بەينەۋ مەن ارىسى – الاش قۋانارى انىق. «قارابۋراعا» وبلىسىمىزدان شىققان العاشقى «قازاقستان بارىسى» اتانۋىنا مۇمكىندىك بار.

2011 جىلدان بەرى ءوتىپ كەلە جاتقان ءتۋرنيردىڭ جەڭىمپازى بولۋ ماڭعىستاۋلىق سپورتشىلارعا ءازىر بۇيىرماي تۇر. ءار جىلدارى اسحات امانوۆ، باقداۋلەت ابىزوۆ، كۇنالەم ەرجانوۆ، بالتابەك توتەنوۆ، مەيرامبەك جاڭاباي، يگىلىك ەربول، عايسا قالمۇحانوۆ، جاسۇلان تاڭاتوۆ، نۇرلان قايىپبەرگەنوۆ جانە باسقا دا وبلىسىمىزدىڭ اتىنان قاتىسقان پالۋاندار جۇلدە الا المادى. بىراق ن.جارىلعاپوۆ 2016 جىلدان بەرى سىنعا ءتۇسىپ، 2021 جىلى قولا، 2022، 2023 جىلدارى ەكى رەت كۇمىس جۇلدەگە يە بولدى.

ن.جارىلعاپوۆ «قازاقستان بارىسى-2024» تۋرنيرىندە جەڭىسكە جەتە السا، باتىس ايماعىنان (اقتوبە، اتىراۋ، بقو مەن ماڭعىستاۋ) شىققان تۇڭعىش بارىس بالۋان اتانادى.

ايبەك مۇحانوۆ،

ماڭعىستاۋ وبلىسى