Mańǵystaýlyqtar «Qarabýra» – Nurdáýlet Jarylǵapovqa senim artady

Týra bir aıdan soń, 8 shildede Astanada ótetin qazaq kúresinen HIII respýblıkalyq «Qazaqstan barysy» týrnırine Mańǵystaý oblysynan «Qarabýra» atymen tanylǵan Nurdáýlet Jarylǵapov qatysady.

Beıneýlik Nurdáýletter osal emes. Solardyń biri – Nurdáýlet Qılybaı jaqynda Mańǵystaý oblysynyń 13-ákimi boldy. Al Nurdáýlet Jarylǵapov 13-respýblıkalyq «Qazaqstan barysy» týrnırinde jeńimpaz atansa, berisi – Beıneý men arysy – Alash qýanary anyq. «Qarabýraǵa» oblysymyzdan shyqqan alǵashqy «Qazaqstan barysy» atanýyna múmkindik bar.

2011 jyldan beri ótip kele jatqan týrnırdiń jeńimpazy bolý mańǵystaýlyq sportshylarǵa ázir buıyrmaı tur. Ár jyldary Ashat Amanov, Baqdáýlet Abyzov, Kúnálem Erjanov, Baltabek Tótenov, Meırambek Jańabaı, Igilik Erbol, Ǵaısa Qalmuhanov, Jasulan Tańatov, Nurlan Qaıypbergenov jáne basqa da oblysymyzdyń atynan qatysqan palýandar júlde ala almady. Biraq N.Jarylǵapov 2016 jyldan beri synǵa túsip, 2021 jyly qola, 2022, 2023 jyldary eki ret kúmis júldege ıe boldy.

N.Jarylǵapov «Qazaqstan barysy-2024» týrnırinde jeńiske jete alsa, batys aımaǵynan (Aqtóbe, Atyraý, BQO men Mańǵystaý) shyqqan tuńǵysh barys balýan atanady.

Aıbek MUHANOV,

Mańǵystaý oblysy