Kosovolyq qyzdar taǵy da Olımpıada chempıony ataǵyna úmitti

Jurttyń qyzdary ne jep, Olımpıada chempıony bolady, osy. Byltyr Astanaǵa jarysqa kelgen kosovolyq Nora Gıakovamen sóılesip, jaqyn tanystym.

31 jastaǵy Nora Gıakova – dzıýdodan Tokıo Olımpıadasynyń chempıony. Álem chempıonatynda qola jáne Eýropa chempıonatynda 1 altyn, 4 qola medaldi alǵan. Eýropa oıyndarynda 1 kúmis pen 1 qola júldesi jáne bar.

Kosovo Japonııada ótken Olımpıadaǵa eki-aq sportshy jibergen. Dıstrııa Krasnıkı men Nora Gıakova ekeýi Tokıoda altyn medaldi ıelengen.

Táýelsizdigin 2008 jyly alǵan Kosovo Tokıo Olımpıadasynda týyn eki ret jelbiretip, ánuranyn eki márte shyrqatqan. Bizdikiler Tokıoǵa 27 sport túrinen 96 sportshy bolyp baryp qatysyp, týymyzdy jelbirete almady, ánuranymyzdy shyrqata almady.

Jurttyń qyzdary altyn medal alsa, jerlesterimiz 8 qola júldeni qanaǵat tutty. Táýelsizdik alǵanymyzǵa 32 jyl boldy. Áli kúnge deıin qazaq dzıýdoshylary bir altyn medal da almaǵan. Áıgerim Toqsanbek aıtqandaı, «Olar damyp ketti. Bizder bir orynda turyp qaldyq». Biraq federaııa basshylaryna báribir sııaqty?

Tokıo Olımpıadasynda eki altyn júlde jeńip alǵan kosovolyq eki dzıýdoshy bıyl Franııada ótetin Olımpıadaǵa qatysady. Keıde solarǵa qyzyǵamyn, áli turmys ta qurmaǵan, biraq Olımpıada chempıony. Al bizdiń qyzdarymyz, Olımpıada bylaı tursyn, álem men Azııa chempıonatynda qurmet tuǵyrynyń eń bıik satysyna kóterile almaı júr.

Áıteýir, ulttyq quramanyń sportshylary álem jáne Azııa chempıonaty, Azııa oıyndary jáne Grand Slam týrnırlerine 15-20 nemese 30 palýanmen baryp, 1 qola medalmen elge keledi. Bul júrisimizben altyn júldeniń aýyly alys sekildi.

Aıbek MUHANOV,

Mańǵystaý oblysy