Rybakına taǵy da jyldyń qorytyndy týrnırinde jeńildi

Qazaqstannyń birinshi, álemniń besinshi raketkasy Elena Rybakına Ar-Rııadta (Saýd Arabııasy) ótip jatqan WTA qorytyndy týrnırinde ekinshi matchyn ótkizdi, dep habarlady QTF.

Rybakına dúnıejúzilik reıtıngide ózinen eki saty tómen turǵan qytaılyq Chjen ınvenmen oınady.

Osyǵan deıin qarsylastar bir-birimen eki ret oınaǵanda sonyń ekeýinde de  Rybakına jeńgen bolatyn. Bul joly birinshi partııada qytaılyq tennısshi 4:1 esebimen alǵa shyqty. Rybakına tarazy basyn teńestirgenimen, taı-breık ınvenniń enshisinde ketti. Esep — 7:6 (7:4). Ekinshisinde Elena Rybakına ese qaıyrdy. Esep — 6:3. Alaıda úshinshi, sheshýshi sette qytaılyq tennısshi basymdylyq tanytty. Ol 6:1 esebimen jeńdi.

Rybakına óz tobyndaǵy sońǵy kezdesýin álemniń 1-raketkasy, Belarýs ókili Arına Sobolenkomen ótkizedi.