Рыбакина тағы да жылдың қорытынды турнирінде жеңілді

Қазақстанның бірінші, әлемнің бесінші ракеткасы Елена Рыбакина Ар-Риядта (Сауд Арабиясы) өтіп жатқан WTA қорытынды турнирінде екінші матчын өткізді, деп хабарлады ҚТФ.

Рыбакина дүниежүзілік рейтингіде өзінен екі саты төмен тұрған қытайлық Чжэн Циньвэньмен ойнады.

Осыған дейін қарсыластар бір-бірімен екі рет ойнағанда соның екеуінде де  Рыбакина жеңген болатын. Бұл жолы бірінші партияда қытайлық теннисші 4:1 есебімен алға шықты. Рыбакина таразы басын теңестіргенімен, тай-брейк Циньвэньнің еншісінде кетті. Есеп — 7:6 (7:4). Екіншісінде Елена Рыбакина есе қайырды. Есеп — 6:3. Алайда үшінші, шешуші сетте қытайлық теннисші басымдылық танытты. Ол 6:1 есебімен жеңді.

Рыбакина өз тобындағы соңғы кездесуін әлемнің 1-ракеткасы, Беларусь өкілі Арина Соболенкомен өткізеді.