قازاقستان تورەشىلەرى WTA 250 تۋرنيرلەرىنىڭ فينالىندا قازىلىق ەتتى

مەرۋەرت كاۋكەەۆا مەن يۋليا يگناتچەنكو WTA 250 تۋرنيرلەرىنىڭ فينالىندا مىنبەدە قازىلىق ەتتى، دەپ حابارلادى قتف.

يگناتچەنكو گونكونگتا WTA 250 جارىسىنىڭ سوڭعى باسەكەسىندە ديانا شنايدەر مەن كەتي بۋلتەر ويىنىندا تورەشى بولدى. ال كاۋكەەۆا تسزيۋتسزيانداعى (قىتايدا) ءدال وسىنداي دودانىڭ فينالىندا ۆيكتوريا گولۋبيچ پەن رەبەككا شرامكوۆانىڭ ماتچىنا قازىلىق جاسادى.

قازاقستان تەننيس فەدەراتسياسى 2009 جىلدان بەرى تورەشىلەر مەكتەبىن دامىتۋعا كۇش سالىپ كەلەدى. وسى كەزەڭدە حالىقارالىق دارەجەدەگى تورەشىلەر ساناتىنا ىلىككەن يۋليا يگناتچەتكو 2022 جىلى، مەرۋەرت كاۋكەەۆا ءبىر جىلدان كەيىن كۇمىس بەلگىنى (silver badge) الدى. ال ۆلادلەنا سامەنكوۆا بيىلعى اقپاندا قولا بەلگىگە (bronze badge) قول جەتكىزدى.

يگناتچەنكو تورەشىلىك مانسابىن 2008 جىلى، كاۋكەەۆا 2015 جىلى باستادى. يۋليا «ۇلكەن دۋلىعا» تۋرنيرلەرىندە 2015، مەرۋەرت 2016 جىلدان بەرى قازىلىق ەتۋدە. ولار سونداي-اق توكيو جانە پاريج وليمپيادالارىندا دا قىزمەت ەتتى.