SportPress.kz Қазақстан спорт жаңалықтары
Грек-рим күресінің балуаны Ержет Жарылқасын Біріккен күресі әлемінің (UWW) жаңартылған әлемдік рейтингінде бірінші орынға көтерілді, деп хабарлады olympic.kz.
Ол Тирана (Албания) қаласында Олимпиадаға кірмейтін салмақ дәрежелері бойынша өткен әлем чемпионатында сәтті өнер көрсеткеннен кейін, тізімде жоғары сатыға көтеріліп, көшбасшы болды.
Чемпионатта Ержет 63 келіге дейінгі салмақ дәрежесінде финалға шығып, әзербайжан Нихат Маммадалиға есе жіберді.
Дейтұрғанмен, Ержет Жарылқасынның қоржынында 47 000 ұпай бар. Маммадали 45 000 ұпаймен екінші орынға орналасса, үшінші орынға 31 000 ұпаймен армян Карен Асланян табан тіреді.
