Tatamı tórindegi tartys Respýblıka kúnine arnaldy

Almaty qalasynda qarashanyń 10-11 kúnderi kıokýshınkaıdan balalar, jasóspirimder jáne qyzdar arasynda Respýblıka kúnine arnalǵan ashyq týrnır boldy. Bul týraly Almaty qalasy barlyq stıldik karate federaııasy baspasóz qyzmetiniń deregine súıengen rast.kz habarlady.

Qazaq sport jáne týrızm akademııasynyń sport zalynda jalaý kótergen jarysty Almaty qalasy barlyq stıldik karate federaııasynyń prezıdenti Talǵar Ahmadıev sóz sóılep, ashyp berdi.

Jarystyń ashylý saltanaty kezinde qazaqstandyq bir top karateshige birinshi jáne ekinshi dan dárejesindegi qara belbeý tapsyryldy. Ony Japonııanyń halyqaralyq uıymy taǵaıyndaıdy. Japon eli jaýyngerlik óneriniń kópshiligi sııaqty karateniń de shákirttik (kıý) jáne sheberlik (dan) dárejeleri bolady.

Týrnırge 5-17 jas aralyǵyndaǵy 217 sportshy qatysyp, ózara baq synasty.

Saıys barysy básekege túsken jas atletterdiń barlyǵy da ózderiniń týrnırge úlken daıyndyqpen kelgenderin baıqatty. Sondyqtan tatamı ústindegi kez kelgen derlik jekpe-jek aıtarlyqtaı tartys ústinde ótti. Olardyń arasynda Merýert Kákimqyzy men Aıdana Rysbekovanyń shákirtterin bólip aıtýǵa bolady. Atap aıtqanda, 12-13 jas aralyǵyndaǵylar arasynda 50 kelige deıingi salmaqtaǵy Syrym Asqar kórermenniń kózaıymyna aınalyp, jeńiske degen jigerimen erekshe kózge tústi. Budan basqa, Ernur Jemishan, Erkejan Ádilqoja, Aızere Erikqyzy, Ersin Jaqsybaı, Arafat Ýsmanov, Sultan Tasqyn, Asylnaz Ahmet syndy sekildi balǵyn sportshylar da ózderiniń sheberlik deńgeıleriniń joǵarylyǵymen týrnırdiń básin kóterip áketti. Sol sııaqty 5 jastaǵy qyzdar arasynda chempıon atanǵan Zeınep Shaızanda aıryqsha talpynysymen óziniń bolashaǵy zor ekenin tanytty.

Jarys jeńimpazdaryna arnaıy kýboktar men medaldar tapsyryldy.

Týrnırge «Ekra Qazaqstan» kompanııasy (basshysy Ámirbek Elamanov) demeýshilik kórsetti.

Saıys sońynda Almaty qalalyq federaııa prezıdenti Talǵar Muhtaruly buǵan deıin de ózi basqaratyn uıymnyń jetekshiligimen ótken bir týrnırge bas demeýshilik jasaǵan atalmysh kompanııa basshysy Ámirbek Nurtasulyna alǵys hat tabys etti.