توپ-5: قازاقستان جاسوسپىرىمدەر قۇراماسى الەم چەمپيوناتىندا العاش رەت بەستىككە كىردى

تۇركيانىڭ انتاليا قالاسىندا قازاقستان جاسوسپىرىمدەر قۇراماسى ءوز تاريحىندا العاش رەت دەۆيس كۋبوگىندا بەسىنشى ورىنعا يە بولدى، دەپ حابارلادى قازاقستان تەننيس فەدەراتسياسى.

سەرگەي كۆاك جاتتىقتىراتىن جاسوسپىرىمدەر قۇراما كومانداسى بەسىنشى ورىن ءۇشىن ويىندا فرانتسيا قۇراماسىمەن كەزدەستى.

توپتىق باسەكەدە وتانداستارىمىز فرانتسيا جاساعىن 2:1 ەسەبىمەن جەڭگەن بولاتىن.

بۇل جولى دامير جالعاسباي ءبىرىنشى ويىندا فەردينان ليۆەنى 6:3، 6:4 ەسەبىمەن جەڭسە، ەكىنشى ماتچتا زاڭعار نۇرلان ۇلى مۋاز كۋامەگە 1:6، 2:6 ەسەبىمەن ەسە جىبەردى.

سوڭعى جۇپتىق سىندا دامير جالعاسباي پەن دانيەل تازابەكوۆ مۋاز كۋامە مەن دانيەل جادتان 6:3، 1:6، 10:5 ەسەبىمەن باسىم ءتۇستى.

وتكەن جىلى كوماندالىق الەم چەمپيوناتىنا تۇڭعىش رەت جولداما العان قازاقستان جاسوسپىرىمدەر قۇراماسى 10-ورىنعا ىلىككەن ەدى. بۇل جولى كورسەتكىشىن ەداۋىر جاقسارتىپ وتىر.