قازاقستان قۇراماسى بيللي دجين كينگ كۋبوگىنىڭ ىرىكتەۋ كەزەڭىنە شىقتى

استانادا بيللي دجين كينگ كۋبوگى اياسىندا قازاقستان مەن كورەيا پلەي-وفف ماتچىندا ەسەپ 3:0-گە جەتتى، دەپ حابارلادى قازاقستان تەننيس فەدەراتسياسى.

جارىستىڭ ەكىنشى كۇنى كورتقا ەلەنا رىباكينانىڭ ورنىنا الەمنىڭ 29-راكەتكاسى يۋليا پۋتينتسەۆا شىقتى.

ول دۇنيەجۇزىلىك رەيتينگىدە 418-ورىندا تۇرعان كۋ ەن ۆۋمەن ويناپ، 6:4، 7:5 ەسەبىمەن تىزە بۇكتىردى.

وسىلايشا، قازاقستان قۇراماسى قالعان ويىنداردىڭ ناتيجەسىنە قاراماستان، الداعى جىلى ساۋىردە وتەتىن بيللي دجين كينگ كۋبوگىنىڭ ىرىكتەۋ كەزەڭىنە جولداما الدى.