SportPress.kz قازاقستان سپورت جاڭالىقتارى
وتانداسىمىز ابىلايحان ءجۇسىپوۆ (71 كگ) تايلاندتىڭ چيانگماي قالاسىندا وتكەن الەم چەمپيوناتىندا تورەشىلەردىڭ بارماق باستى، كوز قىستى شەشىمىمەن فينالدا ءوزبەكستان بوكسشىسى حاۆاسبەك اسادۋللاەۆتان جەڭىلگەن ەدى.
بىراق وزبەكستان وكىلى جەكپە-جەكتە سپورتشىعا جات قىلىق كورسەتىپ، ابىلايحان ءجۇسىپوۆتىڭ كەۋدە تۇسىن تىستەپ العان. وسىعان بايلانىستى قازاقستان تاراپى تورەشىلەردىڭ ۇستىنەن شاعىم جازىپ، جەكپە-جەكتىڭ ناتيجەسىن قايتا قاراۋدى تالاپ ەتتى. سودان كەيىن تورەشىلەر شەشىمى قايتا قارالىپ، ازيا چەمپيونى اتاعى ابىلايحان جۇسىپوۆكە بەرىلدى.
وسىلايشا قازاقستاننىڭ بوكستان ەرلەر قۇراماسىنىڭ قورجىنىنا بەسىنشى التىن جۇلدە كەشىگىپ ءتۇستى.
داستان كەنجالين
