Павел Колмаков фристайл-могулдан әлем кубогының финалдық кезеңіне шықты

Фристайл-могулдан әлем кубогының кезеңі Грузияның Бакуриани қаласында өтіп жатыр, деп хабарлады Olympic.kz.

Ерлер арасындағы іріктеу сайысына Қазақстан құрамасынан Павел Колмаков, Антон Бондарев, Федор Бугаков пен Максим Емельянов қатысты.

Нәтижесінде негізгі жарысқа тек Павел Колмаков шықты. Ол іріктеу кезеңін 15-орында аяқтап, жарыстың келесі кезеңіне жолдама алды. Ал Бондарев 36-орын, Бугаков 38-орын, Емельянов 42-орын иеленді.

Іріктеу кезеңінде бірінші орынды канадалық спортшы Микаэль Кингсбери жеңіп алды.

Бүгін ерлер мен әйелдер арасындағы жекелей жарыста медальдар сарапқа салынады.