ەل ءۇشىن ەتكەن ەڭبەكتىڭ قايىرى بولدى

ءاربىر ايانباي ەتكەن ەڭبەكتىڭ ءبىر قايتارىمى بولادى. اسىرەسە، ەل ءۇشىن تۋعان جەر ءۇشىن جاساعان ەڭبەك ەشقاشان ەلەۋسىز قالمايتىنى بەلگىلى. ول قاي سالادا بولسا دا ەسكىرىلەدى. سونداي-اق، توككەن تەر، تاباندى ەڭبەك سپورت سالاسىندا دا جەمىسىن بەرەتىنى حاق.

ىلە اۋدانى قاراستى وتەگەن كەنتىندەگى بالالار مەن جاسوسپىرىمدەر سپورت مەكتەبىنىڭ ۇجىمى جىل قورتىندىسىن جاساۋ ءىس-شاراسىن ۇيىمداستىردى. مەرەكەلىك كۇيدە وتكەن بۇل ءىس-شارا اۋداندىعى ۇلتجاندى قازاقتىڭ بولاشاق جاستارىن تاربيەلەپ جاتقان م. ماقاتاەۆ اتىنداعى ورتا مەكتەپتىڭ قابىرعاسىندا بولىپ ءوتتى. جيىندا بجسم ۇجىمى جىلدىق قورتىندى ەسەپ بەرۋ جينالىسىن وتكىزىپ، سپورتتىڭ ءار تۇرىنەن  جىل ۇزدىكتەرى قۇرمەتپەن ماراپاتتالدى.

سالتاناتتى ءىس-شارانىڭ اشىلۋىندا ايتۋلى بجسم ديرەكتورى، قر ەڭبەگى سىڭگەن جاتتىقتىرۋشى  قاپار راۋانوۆ جيىلعان كوپشىلىككە مەكتەپتىڭ وبلىس سپورت مەكتەپتەرى اراسىندا ۇستىمىزدەگى جىلى جىل قورتىندىسىمەن كوماندالىق ەكىنشى ورىندى يەلەنگىندىگىن قۋانىشپەن جاريا ەتىپ، باپكەرلەردىڭ ەڭبەگىنە تابىس تىلەدى. سوسىن سپورت مەكتەبىنىڭ ادىسكەرلەرى سەرگەي نيكولاەۆيچ تاراسوۆ، اسەت ايتقالي قۇدايبەرگەن ۇلى، تورعىن نۇرعابىلقىزى وزدەرىنىڭ جىل بويى جاسالعان جۇمىستارىنىڭ قورتىندىسىن ايتىپ بەردى. ال، جالپى سپورت مەكتەبىنىڭ قارىمدى تابىسى تۋرالى ءالىم ىسقاقوۆ تۇگەلدەي بۇگە- شىگەسىنە دەيىن جىلىكتەپ ايتتى.

سپورت مەكتەبىنىڭ تاعى ءبىر تابىستى جاڭالىعى ول مەكتەپتىڭ مەنشىكتى لوگوتيبىن جاساپ شىعارۋ بولىپتى. ەندى جاسورەندەر سپورت كيىمدەرى بولسىن، حات-قاعاز، انىقتامالار بولسىن مەكتەپتىڭ بەت پەردەسى ياعني   لوگوتيپتىن جاپسىرىپ، جازىپ الىپ ونەر كورسەتەتەن بولادى. بۇل ءساتتى بجسم ديرەكتورىنىڭ ورىنباسارى، ءوز سالاسىنىڭ بىلىكتى مامانى ءالىم ىسقاقوۆ تارتىمدى دا تەرەڭ ءتۇسىندىرىپ تۇساۋكەسىرىن لەد ەكراندا كوسىلە كورسەتتى.

جىلدىڭ ۇزدىكتەرىن ماراپاتتاۋ ءىس-شاراسىندا باعالى سىيلىقتار تەك قانا جىلدىڭ ۇزدىك سپورتشىلارى عانا ەمەس ولاردىڭ اتا-انالارىنا دا تابىس ەتىلدى. بۇل دا ءبىر كوڭىلگە قوناتىن ماراپات دەپ ۇقتىق. «اتا كورگەن وق جونار، انا كورگەن تون پىشەر»، دەگەن حالىقپىز عوي. بالانىڭ جانۇياسىندا اتا-اناسىنان العان تاربيە ومىرىنە ۇلكەن شامشىراق بولارى بەلگىلى. اتا-انانىڭ بالانىڭ ۇلكەن ازامات بولىپ قالىپتاسىۋىنا ۇيدەگى بەرەتىن تاربيەسىنىڭ ماڭىزى زور دەپ بىلگەن ءجون. «الىپ انادان تۋادى»، دەمەكشى، اتا-اناعا قۇرمەت وسىنداي قوعامدىق ورىنداردا باعاسىن الىپ قۇرمەتكە لايىقتى بولىپ جاتسا بالا ءۇشىن ۇلكەن قۋانىش ەمەس پە.

اللا ءناسىپ ەتىپ ماعان دا الماتى وبلىسى دەنەشىنىقتىرۋ جانە سپورت باسقاراماسىنىڭ العىس حاتى قۇرمەتپەن قولىما تيگەن ەكەن. مەنىڭ سپورت تاقىرىبىندا جازىپ جۇرگەن تامشىداي بولسا دا جازبالارىم وسىنداي ماراپاتقا لايىق دەپ ۇسىنىس بىلدىرگەن قاپار راۋانوۆ پەن ءالىم ىسقاقوۆتارعا زور العىسىمدى ايتىپ جەتكىزدىم. جوعارى كوڭىل كۇيدە وتكەن بۇل شارا وقۋشىلاردىڭ ازىرلگەن كونتسەرتتىك باعدارلامالارىمەن جالعاستى. مەرەكەلىك شاراعا قاتىسقان كوپشىلىك ۇلكەن اسەرمەن تارقاستى.

اقىن ورداباي ۇلى،

الماتى وبلىسى

فوتو: تورعىن نۇرعابىلقىزى