SportPress.kz Qazaqstan sport jańalyqtary
Árbir aıanbaı etken eńbektiń bir qaıtarymy bolady. Ásirese, el úshin týǵan jer úshin jasaǵan eńbek eshqashan eleýsiz qalmaıtyny belgili. Ol qaı salada bolsa da eskiriledi. Sondaı-aq, tókken ter, tabandy eńbek sport salasynda da jemisin beretini haq.
Ile aýdany qarasty О́tegen kentindegi Balalar men jasóspirimder sport mektebiniń ujymy jyl qortyndysyn jasaý is-sharasyn uıymdastyrdy. Merekelik kúıde ótken bul is-shara aýdandyǵy ultjandy qazaqtyń bolashaq jastaryn tárbıelep jatqan M. Maqataev atyndaǵy orta mekteptiń qabyrǵasynda bolyp ótti. Jıynda BJSM ujymy jyldyq qortyndy esep berý jınalysyn ótkizip, sporttyń ár túrinen jyl úzdikteri qurmetpen marapattaldy.
Saltanatty is-sharanyń ashylýynda aıtýly BJSM dırektory, QR eńbegi sińgen jattyqtyrýshy Qapar Raýanov jıylǵan kópshilikke mekteptiń oblys sport mektepteri arasynda ústimizdegi jyly jyl qortyndysymen komandalyq ekinshi oryndy ıelengindigin qýanyshpen jarııa etip, bapkerlerdiń eńbegine tabys tiledi. Sosyn sport mektebiniń ádiskerleri Sergeı Nıkolaevıch Tarasov, Áset Aıtqalı Qudaıbergenuly, Torǵyn Nurǵabylqyzy ózderiniń jyl boıy jasalǵan jumystarynyń qortyndysyn aıtyp berdi. Al, jalpy sport mektebiniń qarymdy tabysy týraly Álim Ysqaqov túgeldeı búge- shigesine deıin jiliktep aıtty.
Sport mektebiniń taǵy bir tabysty jańalyǵy ol mekteptiń menshikti logotıbin jasap shyǵarý bolypty. Endi jasórender sport kıimderi bolsyn, hat-qaǵaz, anyqtamalar bolsyn mekteptiń bet perdesi ıaǵnı logotıptin japsyryp, jazyp alyp óner kórseteten bolady. Bul sátti BJSM dırektorynyń orynbasary, óz salasynyń bilikti mamany Álim Ysqaqov tartymdy da tereń túsindirip tusaýkesirin led ekranda kósile kórsetti.
Jyldyń úzdikterin marapattaý is-sharasynda baǵaly syılyqtar tek qana jyldyń úzdik sportshylary ǵana emes olardyń ata-analaryna da tabys etildi. Bul da bir kóńilge qonatyn marapat dep uqtyq. «Ata kórgen oq jonar, ana kórgen ton pisher», degen halyqpyz ǵoı. Balanyń januıasynda ata-anasynan alǵan tárbıe ómirine úlken shamshyraq bolary belgili. Ata-ananyń balanyń úlken azamat bolyp qalyptasyýyna úıdegi beretin tárbıesiniń mańyzy zor dep bilgen jón. «Alyp anadan týady», demekshi, ata-anaǵa qurmet osyndaı qoǵamdyq oryndarda baǵasyn alyp qurmetke laıyqty bolyp jatsa bala úshin úlken qýanysh emes pe.
Alla násip etip maǵan da Almaty oblysy Deneshynyqtyrý jáne sport basqaramasynyń Alǵys haty qurmetpen qolyma tıgen eken. Meniń sport taqyrybynda jazyp júrgen tamshydaı bolsa da jazbalarym osyndaı marapatqa laıyq dep usynys bildirgen Qapar Raýanov pen Álim Ysqaqovtarǵa zor alǵysymdy aıtyp jetkizdim. Joǵary kóńil kúıde ótken bul shara oqýshylardyń ázirlgen konerttik baǵdarlamalarymen jalǵasty. Merekelik sharaǵa qatysqan kópshilik úlken ásermen tarqasty.
Aqyn ORDABAIULY,
Almaty oblysy
FOTO: Torǵyn NURǴABYLQYZY
