SportPress.kz قازاقستان سپورت جاڭالىقتارى
اۋستراليادا ءوتىپ جاتقان United Sup تۋرنيرىندە قازاقستان قۇراماسى گەرمانيانى جەڭىپ، جارتىلاي فينالعا شىقتى، دەپ حابارلادى قازاقستان تەننيس فەدەراتسياسى.
ەكىنشى جەكەلەي سىندا گەرمانيادان الەمنىڭ 2-راكەتكاسى الەكساندر زۆەرەۆ ويناماي قالدى دا، ونىڭ ورنىنا رەيتينگىدە 254-ورىنداعى دانيەل مازۋر شىقتى.
مازۋر ءبىرىنشى پارتيادا الەكساندر شەۆچەنكودان 7:6 (7:5) ەسەبىمەن باسىم ءتۇستى.
دەگەنمەن وسىدان كەيىن قازاقستاندىق تەننيسشى كامبەك جاساي ءبىلدى. ەسەپ — 6:2، 6:2.
وسىلايشا، ەسەپ 2:0 بولىپ، قازاقستان قۇراماسى وتكەن جىلعى چەمپيوننان ايلاسىن اسىرىپ، العاش رەت جارتىلاي فينالعا شىقتى.
قازاقستان تەننيس فەدەراتسياسىنىڭ پرەزيدەنتى بولات وتەمۇراتوۆ تەننيسشىلەردى United Cup تۋرنيرىنىڭ جارتىلاي فينالىنا شىعۋىمەن جانە يسپانيا، گرەكيا، گەرمانيا قۇرامالارىن جەڭۋىمەن قۇتتىقتادى.
