باقىتجان الپەيىسوۆتىڭ جاڭا بەلەسى

قازاقستاننىڭ تانىمال اكتەرى باقىتجان الپەيىسوۆ ت.جۇرگەنوۆ اتىنداعى ونەر اكادەمياسىندا ۇستازدىق قىزمەتىنە كىرىسكەنىن ايتتى.

«توعىسقان تاعدىرلار» تەلەحيكاياسىندا باستى رولدەردىڭ ءبىرىن سومداعان اكتەر، باستاپقىدا «ساباق بەرۋگە قابىلەتىم جەتە مە» دەپ كۇماندانعانىن جاسىرمادى. بىراق تاۋەكەلگە بەل بۋىپ، بىلگەنىمەن ءبولىسۋ تۋرالى شەشىم قابىلدايدى.

ەڭ باستىسى – نيەت. بۇل مەن ءۇشىن جاڭا، ءارى وتە قىزىق تاجىريبە، – دەيدى ول.

بيىلعى قىستا ول قالىپتاسقان ءداستۇر بويىنشا ارىپتەستەرى جانە دوستارىمەن بىرگە قر پرەزيدەنتى ءىس باسقارماسىنىڭ مەديتسينالىق ورتالىعىنا قاراستى «Almaty Resort» شيپاجايىندا دەمالدى. وعان دۋلىعا اقمولدا مەن مۇرات احمانوۆ سەرىك بولدى. بوس ۋاقىتتارىن اكتەرلەر تازا اۋادا سەرۋەندەپ، بيليارد ويناپ وتكىزدى.

باقىتجان الپەيىسوۆ قاڭتار ايىن دەمالىسقا ارناپ، ءبىر جىلعا جەتەتىن كۇش-قۋات جيناۋعا تىرىساتىنىن ايتتى.

مۇنداي دەمالىستان كەيىن ءوزىڭدى كەرەمەت سەزىنىپ، جاڭا باستامالاردى قولعا الۋعا شابىت ويانادى، –دەيدى اكتەر.

نۇرلان قۇمار،

الماتى