Baqytjan Álpeıisovtiń jańa belesi

Qazaqstannyń tanymal akteri Baqytjan Álpeıisov T.Júrgenov atyndaǵy óner akademııasynda ustazdyq qyzmetine kiriskenin aıtty.

«Toǵysqan taǵdyrlar» telehıkaıasynda basty rólderdiń birin somdaǵan akter, bastapqyda «sabaq berýge qabiletim jete me» dep kúmándanǵanyn jasyrmady. Biraq táýekelge bel býyp, bilgenimen bólisý týraly sheshim qabyldaıdy.

Eń bastysy – nıet. Bul men úshin jańa, ári óte qyzyq tájirıbe, – deıdi ol.

Bıylǵy qysta ol qalyptasqan dástúr boıynsha áriptesteri jáne dostarymen birge QR Prezıdenti Is basqarmasynyń medıınalyq ortalyǵyna qarasty «Almaty Resort» shıpajaıynda demaldy. Oǵan Dýlyǵa Aqmolda men Murat Ahmanov serik boldy. Bos ýaqyttaryn akterler taza aýada serýendep, bılıard oınap ótkizdi.

Baqytjan Álpeıisov qańtar aıyn demalysqa arnap, bir jylǵa jetetin kúsh-qýat jınaýǵa tyrysatynyn aıtty.

Mundaı demalystan keıin ózińdi keremet sezinip, jańa bastamalardy qolǵa alýǵa shabyt oıanady, –deıdi akter.

Nurlan QUMAR,

ALMATY