كاراتەشى ءمولدىر جاڭبىرباي پرەمەر-ليگانىڭ فينالىنا شىقتى

كاراتەدەن ۇلتتىق قۇراما كوشباسشىسىنىڭ ءبىرى ءمولدىر جاڭبىرباي (50 كگ) قىتايدىڭ حانچجوۋ قالاسىندا باستالعان پرەمەر-ليگا ساناتىنداعى جارىستىڭ فينالىنا شىقتى، دەپ حابارلادى قازاقستان كاراتە فەدەراتسياسىنىڭ ءباسپاسوز قىزمەتى.

ءمولدىر جاڭبىرباي كۇندىزگى سەسسيادا ءوز توبىندا قارسىلاس شاق كەلتىرگەن جوق. اۋەلى ناتاليا ۆارگوۆانى (سلوۆاكيا)، ودان كەيىن تەودورا تسانەۆا (بولگاريا) مەن ايكا وكازاكيدى (جاپونيا) جەڭدى. ال شيرەك فينالدا كانادا، جارتىلاي فينالدا جاپونيا (سارا تسۋتسۋمي) كاراتەشىسىنەن باسىم ءتۇستى.

ەسكە سالا كەتەيىك، فينال 16 ناۋرىزدا بولادى. وتانداسىمىزدىڭ قارسىلاسى — الجير وكىلى.

جالپى، حانچجوۋداعى جارىسقا قازاقستان كومانداسى 13 سپورتشى ء(بارى كۋميتە باعدارلاماسىندا) اپاردى.

بۇگىن تاتاميگە شىققان ازيا ويىندارىنىڭ كۇمىس جۇلدەگەرى ديدار ءامىرالى (67 كگ)، دارحان تەمىراليەۆ (60 كگ) پەن ولجاس التىنبەك (67 كگ) ىرىكتەۋدەن پلەي-وفف كەزەڭىنە شىعا المادى.