«Almaty Resort» ujymy soǵys ardagerlerine qurmet kórsetti

Jeńistiń 80 jyldyǵy qarsańynda Qazaqstan Respýblıkasy Prezıdenti Isteri Basqarmasy Medıınalyq ortalyǵynyń «Almaty Resort» shıpajaıynyń qyzmetkerleri soǵys ardagerlerine qurmet kórsetti. Surapyl soǵysty kórgen Vasılıı Zınchenko, Nıkolaı Taratýnın men Ivan Begýnov  estelik aıtty.

Memlekettik baǵdarlama boıynsha ardagerler shıpajaıda tegin emdelýge múmkindigi bar. «Almaty Resort» medıınalyq qyzmetkerleri olarǵa únemi kelip jaǵdaıyn surap, densaýlyǵyn baqylaıdy, qoldaý men qamqorlyq kórsetedi.

102 jastaǵy otstavkadaǵy polkovnık Nıkolaı Taratýnın 18 jasynda maıdanǵa attanady. О́zinen buryn soǵysqa ketken barlyq baýyry soǵysta qaza tabady.  О́zi de aýyr jaraqat alady. Biraq soǵan qaramastan aman qaldy. Soǵystan keıin Nıkolaı Aleksandrovıch Almaty jaıaý ásker ýchılıщesin bitirip, shekara áskerinde qyzmet etedi. Búginde ol Almatyda ulymen birge turady. Úsh nemeresi men shóbereleri bar.

Bıyl 101 jasqa tolǵan barlaýshy Vasılıı Zınchenko — Stalıngrad shaıqasy men Berlın shabýyly sııaqty sheshýshi urystarǵa qatysqan maıdanger. Ol feldmarshal Paýlıýsti tutqynǵa alyp, ózi ilesip aparǵan. Soǵystan oralǵan soń Vasılıı Zınchenko Almaty sút kombınatynda eńbek etedi. Zaıybymen birge úsh ul men bir qyz tárbıelep ósirdi. Qazir olardyń jeti nemeresi men on tórt shóberesi bar.

Ivan Begýnov bıyl ǵasyrlyq mereıtoıyn atap ótti. Onyń taǵdyry – jetimdik, asharshylyq, maıdan dalasy jáne soǵystan keıingi ómir jolymen órilgen. Ol 228-gvardııalyq atqyshtar polkiniń quramynda Ýkraın maıdanynda soǵysyp, pýlemetshi retinde Eýropany azat etýge qatysqan. Soǵystan keıin Almatyda qurylys salasynda eńbek etti. Qazirgi ýaqytta ardager qyzy Irınamen birge turady. Onyń bes nemeresi, on bir shóberesi jáne bir shópshegi bar.

Almatyda soǵystyń tiri kýágerleri az qaldy. Olar naǵyz batyrlar. Ardagerlerdiń soǵys jaıly estelikteri búginde erekshe qundy, urpaqqa úlgi. Erlikteri úshin olar maqtaý sózder kútpeıdi. Maıdangerler úshin eń bastysy — qamqorlyq jáne shynaıy alǵys.

Nurlan QUMAR,

ALMATY