اقيىق اقىننىڭ اتىنداعى الامان

الماتى وبلىسى، نارىنقول اۋىلىندا قازاق كۇرەسىنەن ۇلى وتان سوعىسىنا 80 جىل تولۋىنا وراي جانە قازاقتىڭ ءبىرتۋار اقىنى مۇقاعالي ماقاتاەۆتىڭ اتىندا رەسۋبليكالىق جارىس ءوتتى.

بۇل تۋرنير 2008-2009 جىلى تۋعان جاسوپىرىمدەر اراسىندا جالاۋىن كوتەرگەن ەدى. جارىسقا ەلىمىزدىڭ بارلىق وڭىرىنەن 300-گە جۋىق ۇلتتىق كۇرەسىمىزدىڭ بوتا بالۋاندارى كەلىپ، بوز كىلەمدە ءوز ونەرلەرىن كورسەتتى. تاۋ تۇلعا اقىننىڭ اتىنداعى تۋرنير العاشقى جىلدارى وبلىستىق دەڭگەيدە ۇيىمداستىرلىپ كەلگەن ەدى. ءتۋرنيردىڭ اۋقىمى كەڭەيىپ، قاتىسۋشىلاردىڭ قىزىعۋشىلىعى ارتا باستاعان كەزدە رەسپۋبليكالىق كولەمگە شىعىپ، ەلىمىزدىڭ ءار وڭىرىنەن ءجاسوسپىرىم قازاق كۇرەسىنىڭ تالانتتارى كەلىپ قاتىسا باستاعان.  العاش رەت  تالعار اۋدانى تالعار قالاسىنان  باستاۋ العان الامان جارىس بيىل وسىمەن 18 رەت  نارىنقول اۋىلىندا ءوتىپ وتىر ەكەن.

جارىس سوڭىندا جەڭىمپازدار مەن جۇلدەگەرلەر ديپلوم، مەدالدارمەن بىرگە باعالى سىيلىقتارمەن دە مارپاتتالدى. الماتى وبلىسى دەنشىنىقتىرۋ  جانە سپورتتى دامىتۋ باسقارماسى، الماتى وبلىسى قازاق كۇرەسى فەدەراتسياسى، رايىمبەك اۋدانىنىڭ اكىمشىلىگى مەن  بجسم ۇجىمىنىڭ  ۇيىتقىسىمەن ءدۇبىرلى  وتكەن جەكپە-جەك ەلدەگى ءتول كۇرەسىمىزدىڭ جانكۇيەرلەرىنە كەرەمەت مەرەكەلىك  كوڭىل-كۇي تارتۋ ەتتى.

تورەشىلەر دە وزدەرىنە ارتىلعان مىندەتتەردى حالىقارالىق تالاپتارعا ساي مۇلتىكسىز وتكىزدە دەسە بولادى. جارىستا ەشقانداي بەلدەن باسىپ ءبىر جاققا قاراي سىڭار ەزۋ تانىتقان تورەشىلەر بولمادى. بارلىعى ءادىل ءوتىپ، بارلىق جاعىنان دايىن كەلگەن  حاس شەبەرلەردىڭ مەرەيى ۇستەم بولىپ وتىردى.

جارىس قورتىندىسى بويىنشا 4 التىن،  2 كۇمىس ، 4 قولا مەدالداردى جەڭىپ العان جامبىل وبلىسىنىڭ بالۋاندارى كوماندالىق ءبىرىنشى ورىندى يەلەندى. ەكىنشى ورىنعا 3 التىن، 1 كۇمىس، 7 قولا جۇلدەنى جەڭىپ العان الماتى قالاسىنىڭ كومانداسى ورنالاستى.         ال جۇلدەلى 3 ورىندى 1 التىن، 4 كۇمىس، 4 قولا جۇلدەگە يە بولعان الماتى وبلىسىنىڭ كومانداسى ەنشىلەدى.

جەكەلەي 9 سالماق دارەجەسى بويىنشا  سارالاي كەتسەك، 46، 50، 55، 60، 65، 70، 76، 82، +82 دارەجەلەرى بويىنشا بالۋاندار بەلدەستى.

46 كگ جامبىل وبلىسىنىڭ بالۋانى  ساتجان ابدۋسايتنۇريسلامحان، 50 كگ، 55 كگ جانە 60 كگ   الماتى قالاسىنان  تويجان ءامىرجان، نۇرعوجا نۇربول جانە بولات بەكنۇرلار توپ جاردى. 70 كگ،75 كگ  سالماقتاردا جامبىل وبلىسىنىڭ بالۋاندارى  تۇراش دوسىمجان مەن تەمىرحان مانسۇرلار چەمپيون اتانسا، 82 كگ الماتى وبلىسى كەگەن اۋدانىنان كەلگەن بالۋان الداش نۇرقۇلاننىڭ باعى جاندى. سونداي-اق +82 كگ استام سۇيەكتى دە  بىلەكتى بالۋاندار اراسىندا جامبىلدىق جاس الىپ مەيىرقۇل ادىلكەرەي جەڭىمپاز اتاندى.

قازاق كۇرەسى بۇگىنگى تاڭدا ەرەكشە قارقىنمەن دامىپ كەلەدى. ۇلتتىق كۇرەسىمىزگە دەگەن قۇمارلىق اسىرەسە اۋىل-ايماقتاردا وزگەشە. كەزىندە وليمپيادانىڭ ءۇش دۇركىن چەمپيونى الەكساندر مەدۆەد 2010 جىلى قازاقستانعا كەلگەن ساپارىندا « مەن قازاقتىڭ ۇلتتىق كۇرەسىنىڭ بولاشاعى زور ەكەندىگىنە زور سەنىممەن ايتا الامان»، دەگەن بولاتىن. ەندەشە، ۇلتتىق قۇندىلىعىمىزدىڭ ءبىر بۇتاعى اتا كۇرەسىمىزگە جان-جاقتى قولداۋ كورسەتىپ، وسكەلەڭ ۇرپاقتى قازاق كۇرەسىمەن اينالىسۋىنا جاعداي جاساۋىمىز كەرەك. بالا بالۋانداردىڭ ۇلتتىق كۇرەسىمىزگە دەگەن سۇيسپەنشىلىكتەرىن تۋعىزىپ، قىزىقتىرساق ابزال بولار ەدى. ويتكەنى، قازاق كۇرەسىندە قازاقتىڭ بار قاسيەتتەرى توعىسقان ۇلى ونەر جاتىر.

اقىن ورداباي ۇلى،

الماتى وبلىسى