SportPress.kz Qazaqstan sport jańalyqtary
Almaty oblysy, Narynqol aýylynda qazaq kúresinen Uly Otan soǵysyna 80 jyl tolýyna oraı jáne qazaqtyń birtýar aqyny Muqaǵalı Maqataevtyń atynda resýblıkalyq jarys ótti.
Bul týrnır 2008-2009 jyly týǵan jasópirimder arasynda jalaýyn kótergen edi. Jarysqa elimizdiń barlyq óńirinen 300-ge jýyq ulttyq kúresimizdiń bota balýandary kelip, boz kilemde óz ónerlerin kórsetti. Taý tulǵa aqynnyń atyndaǵy týrnır alǵashqy jyldary oblystyq deńgeıde uıymdastyrlyp kelgen edi. Týrnırdiń aýqymy keńeıip, qatysýshylardyń qyzyǵýshylyǵy arta bastaǵan kezde respýblıkalyq kólemge shyǵyp, elimizdiń ár óńirinen jasóspirim qazaq kúresiniń talanttary kelip qatysa bastaǵan. Alǵash ret Talǵar aýdany Talǵar qalasynan bastaý alǵan alaman jarys bıyl osymen 18 ret Narynqol aýylynda ótip otyr eken.
Jarys sońynda jeńimpazdar men júldegerler dıplom, medaldarmen birge baǵaly syılyqtarmen de marpattaldy. Almaty oblysy Denshynyqtyrý jáne sportty damytý basqarmasy, Almaty oblysy qazaq kúresi federaııasy, Raıymbek aýdanynyń ákimshiligi men BJSM ujymynyń uıytqysymen dúbirli ótken jekpe-jek eldegi tól kúresimizdiń jankúıerlerine keremet merekelik kóńil-kúı tartý etti.
Tóreshiler de ózderine artylǵan mindetterdi halyqaralyq talaptarǵa saı múltiksiz ótkizde dese bolady. Jarysta eshqandaı belden basyp bir jaqqa qaraı syńar ezý tanytqan tóreshiler bolmady. Barlyǵy ádil ótip, barlyq jaǵynan daıyn kelgen has sheberlerdiń mereıi ústem bolyp otyrdy.
Jarys qortyndysy boıynsha 4 altyn, 2 kúmis , 4 qola medaldardy jeńip alǵan Jambyl oblysynyń balýandary komandalyq birinshi oryndy ıelendi. Ekinshi orynǵa 3 altyn, 1 kúmis, 7 qola júldeni jeńip alǵan Almaty qalasynyń komandasy ornalasty. Al júldeli 3 oryndy 1 altyn, 4 kúmis, 4 qola júldege ıe bolǵan Almaty oblysynyń komandasy enshiledi.
Jekeleı 9 salmaq dárejesi boıynsha saralaı ketsek, 46, 50, 55, 60, 65, 70, 76, 82, +82 dárejeleri boıynsha balýandar beldesti.
46 kg Jambyl oblysynyń balýany Satjan Abdýsaıtnurıslamhan, 50 kg, 55 kg jáne 60 kg Almaty qalasynan Toıjan Ámirjan, Nurǵoja Nurbol jáne Bolat Beknurlar top jardy. 70 kg,75 kg salmaqtarda Jambyl oblysynyń balýandary Turash Dosymjan men Temirhan Mansurlar chempıon atansa, 82 kg Almaty oblysy Kegen aýdanynan kelgen balýan Aldash Nurqulannyń baǵy jandy. Sondaı-aq +82 kg astam súıekti de bilekti balýandar arasynda jambyldyq jas alyp Meıirqul Ádilkereı jeńimpaz atandy.
Qazaq kúresi búgingi tańda erekshe qarqynmen damyp keledi. Ulttyq kúresimizge degen qumarlyq ásirese aýyl-aımaqtarda ózgeshe. Kezinde Olımpıadanyń úsh dúrkin chempıony Aleksandr Medved 2010 jyly Qazaqstanǵa kelgen saparynda « Men qazaqtyń ulttyq kúresiniń bolashaǵy zor ekendigine zor senimmen aıta alaman», degen bolatyn. Endeshe, ulttyq qundylyǵymyzdyń bir butaǵy ata kúresimizge jan-jaqty qoldaý kórsetip, óskeleń urpaqty qazaq kúresimen aınalysýyna jaǵdaı jasaýymyz kerek. Bala balýandardyń ulttyq kúresimizge degen súıspenshilikterin týǵyzyp, qyzyqtyrsaq abzal bolar edi. О́ıtkeni, qazaq kúresinde qazaqtyń bar qasıetteri toǵysqan uly óner jatyr.
Aqyn ORDABAIULY,
Almaty oblysy
