Bokstan ACh: Qazaq qyzdary 12 altyn medal jeńip aldy

Bokstan Shrı-Lankada ótip jatqan U22 Azııa chempıonatynda jastar sanaty boıynsha Jankeldi Ahmetov jattyqtyratyn Qazaqstannyń qyzdar quramasy 12 altyn medal jeńip aldy.

Bul chempıonat 10 mamyrda jalaýyn kótergen. Ol 24 mamyrǵa deıin bolady. Sary qurlyq básekesi  Shrı-Lankanyń astanasy — Kolomboda bolyp jatyr. Oǵan Qazaqstan qyzdar quramasy da qatysýda. Búgin burymdy  boksshylardyń bári fınalǵa shyǵyp, Azııa chempıony ataǵyn jeńip alǵany týraly qýanyshty habar kelip jetti.

Bul básekede Azııa qurlyǵynan 21 el qatysyp jatyr. Atap aıtqanda, Qazaqstan, Aýǵanstan, Aýstralııa, Bangladesh, Býtan, Kambodja, Úndistan, Irak, Qyrǵyzstan, Saýd Arabııasy, Kýveıt, Malaızııa, Mońǵolııa, Palestına, Soltústik Koreıa, Shrı-Lanka, Sırııa, Taıland, Tájikstan, BAÁ, Vetnam 12 salmaqta júldeni sarapqa saldy.

Azııa chempıony ataǵyn Aıym Tańqybaeva (48 kg), Sıla Bıbolsynqyzy (50 kg), Rahmına Abdýmejıtova (52 kg), Janel Imantaeva (54 kg), Aqnur Tursynǵalı (57 kg), Tolǵanaı Qasymhan (60 kg), Alına Qudaıgenova (63 kg), Aqbota Esimbekova (66 kg), Marııa Sıdorenko (70 kg), Zarına Tolybaı (75 kg), Quralaı Eginbaıqyzy (81 kg), Sabına Jaqsylyq (+81 kg) jeńip aldy.

Dastan KENJALIN,

ASTANA