SportPress.kz قازاقستان سپورت جاڭالىقتارى
استانادا قازاقستان فۋتبول فەدەراتسياسىنىڭ پرەزيدەنتى مارات وماروۆتىڭ توراعالىعىمەن قفف-نىڭ كەزەكتەن تىس XXVIII كونفەرەنتسياسى ءوتتى، دەپ حابارلادى قازاقستان فۋتبول فەدەراتسياسى.
كونفەرەنتسيا جۇمىسىنا وڭىرلىك فەدەراتسيا دەلەگاتتارى، ۋەفا پرەزيدەنتىنىڭ ۇلتتىق قاۋىمداستىقتار جونىندەگى كەڭەسشىسى يوزەف كليمەنت جانە فيفا ايماقتىق ۇيلەستىرۋشىسى ماركو فەرري، قازاقستان ۇلتتىق وليمپيادالىق كوميتەتىنىڭ باس حاتشىسى ءالىمجان اقاەۆ، تۋريزم جانە سپورت مينيسترلىگىنە قاراستى سپورت جانە دەنە شىنىقتىرۋ ىستەرى كوميتەتىنىڭ توراعاسى رۋسلان ەسەنالين قاتىستى.
جيىننىڭ كۇن تارتىبىندە قفف-نىڭ ۇيىمداستىرۋشى جانە جارعىلىق قۇرىلىمىن جەتىلدىرۋ ماسەلەلەرى جانە فەدەراتسيا جارعىسىنا ەنگىزىلگەن وزگەرىستەر مەن تولىقتىرۋلار قارالدى. سونداي-اق كونفەرەنتسيا قۇرامىنان كەي مۇشەلەر شىعارىلىپ، جاڭا مۇشەلەردى قابىلداۋ ماسەلەسى تالقىلاندى.
جاڭا وزگەرىستەرگە توقتالساق: ەندى «قازاقستاننىڭ كاسىبي فۋتبول ليگاسى» زتب جارىستار وتكىزبەيدى، سوندىقتان قفف مۇشەلىگىندەگى وكىلەتتىلىگى توقتايدى. وسىعان سايكەس، كقفل پرەزيدەنتى اتقارۋشى كوميتەتتىڭ قۇرامىنا لاۋازىمى بويىنشا ەنۋ قۇقىعىنان ايىرىلدى.
سونىمەن قاتار جارعى تالاپتارىن بۇزعان بىرقاتار ۇيىم قفف مۇشەلىگىنەن شىعارۋ تۋرالى شەشىم قابىلداندى.
قفف جارعىسىنىڭ 66-تارماعىنا سايكەس، كونفەرەنتسيا اتقارۋشى كوميتەتتىڭ كەيبىر مۇشەلەرىنىڭ وكىلەتتىلىگىن مەرزىمىنەن بۇرىن توقتاتۋ تۋرالى شەشىم قابىلدادى:
ابراەۆ ولجاس شاكەن ۇلى;
عيلىموۆ ابىلماجەن قۋانىش ۇلى;
جامانتاەۆ ەرلان ايتپاي ۇلى;
قوسمۇحامبەتوۆ تالعات اجدار ۇلى;
نەفەدوۆ الەكسەي پەتروۆيچ;
سيدەلكوۆسكي ۆلاديمير سەمەنوۆيچ.
قفف جارعىسىنا ساي اتقارۋشى كوميتەت قۇرامىنا كەلەسى كانديداتتار سايلاندى:
گادجيەۆ گادجي شاپيەۆيچ;
ەرعاليەۆ اسەت ارمان ۇلى;
قۇرمان نۇرسۇلتان امانگەلدى ۇلى;
لومتادزە ميحايل نۋگزاروۆيچ;
ماسۋدوۆ ۆاحيد يۋنۋسوۆيچ;
نۋنۋ الەشاندرە پاررەيرا دە كاشترۋ.
