SportPress.kz Қазақстан спорт жаңалықтары
Жеңіл атлетикадан Оңтүстік Кореяның Гуми қаласында өтіп жатқан Азия чемпионатында Қазақстан құрамасы алғашқы алтын медалін жеңіп алды, деп хабарлады Ұлттық Олимпиадалық комитет.
Жеңіс тұғырының ең биік сатысына Дейзи Джепкемей көтерілді. Ол 10 000 метрге жүгіруден өткен финалдық сайыста жеңіске жетті.
Спортшы қашықтықты 30 минут 48.44 секундта жүгіріп өтті.
Екінші орынды жапониялық Ририка Хиронака (30:56.32), үшінші орынды тағы бір жапон спортшысы Микуни Яда (31:12.21) иеленді.
Осылайша, Қазақстан құрамасының қоржынында екі медаль бар. Бұған дейін Ясмина Тоқсанбаева 20 шақырымдық спорттық жүрісте қола медаль жеңіп алған болатын.
