Jeńil atlet Deızı Djepkemeı Azııa chempıony atandy

Jeńil atletıkadan Ońtústik Koreıanyń Gýmı qalasynda ótip jatqan Azııa chempıonatynda Qazaqstan quramasy alǵashqy altyn medalin jeńip aldy, dep habarlady Ulttyq Olımpıadalyq komıtet.

Jeńis tuǵyrynyń eń bıik satysyna Deızı Djepkemeı kóterildi. Ol 10 000 metrge júgirýden ótken fınaldyq saıysta jeńiske jetti.

Sportshy qashyqtyqty 30 mınýt 48.44 sekýndta júgirip ótti.

Ekinshi oryndy japonııalyq Rırıka Hıronaka (30:56.32), úshinshi oryndy taǵy bir japon sportshysy Mıkýnı Iada (31:12.21) ıelendi.

Osylaısha, Qazaqstan quramasynyń qorjynynda eki medal bar. Buǵan deıin Iasmına Toqsanbaeva 20 shaqyrymdyq sporttyq júriste qola medal jeńip alǵan bolatyn.