داستان ساتپاەۆ ۇلتتىق قۇراما مەن جاستار قۇراماسىنا شاقىرتۋ الدى

فۋتبولدان قازاقستان ۇلتتىق قۇراما كومانداسىنىڭ ويىنشىسى، جاس تالانت داستان ساتپاەۆ 21 جاسقا دەيىنگى جاستار قۇراماسىنا دا شاقىرتۋ الدى. بۇل تۋرالى قازاقستان فۋتبول فەدەراتسياسى پرەزيدەنتىنىڭ كەڭەسءشىسى نۇرسۇلتان قۇرمان ايتتى.

ونىڭ ايتۋىنشا، فۋتبولشى اۋەلى ۇلتتىق قۇرامانىڭ وقۋ-جاتتىعۋ جيىنىنا قاتىسىپ، ودان كەيىن قازاقستان U-21 قۇراماسىنا قوسىلادى.

2027 جىلعى ەۋروپا چەمپيوناتىنىڭ ىرىكتەۋ كەزەڭى اياسىندا اندورراعا قارسى ماتچقا دايىندالادى. بۇل ويىن 5 ماۋسىمدا ساعات 19:30-دا «استانا ارەنا» ستاديونىندا بولادى.

سودان كەيىن داستان ساتپاەۆ قايتادان ۇلتتىق قۇرامانىڭ ساپىنا ورالىپ، سولتۇستىك ماكەدونياعا قارسى كەزدەسۋگە دايىندىقتى جالعاستىرادى، — دەدى ول.

جاتتىقتىرۋشىلار شتابىنىڭ شەشىمى بويىنشا داستان ساتپاەۆ بەلارۋسپەن وتەتىن جولداستىق ماتچقا قاتىسپايدى.

داستان كەنجالين،

استانا