Dastan Sátpaev ulttyq qurama men jastar quramasyna shaqyrtý aldy

Fýtboldan Qazaqstan ulttyq qurama komandasynyń oıynshysy, jas talant Dastan Sátpaev 21 jasqa deıingi jastar quramasyna da shaqyrtý aldy. Bul týraly Qazaqstan fýtbol federaııasy prezıdentiniń keńesshisi Nursultan Qurman aıtty.

Onyń aıtýynsha, fýtbolshy áýeli ulttyq quramanyń oqý-jattyǵý jıynyna qatysyp, odan keıin Qazaqstan U-21 quramasyna qosylady.

2027 jylǵy Eýropa chempıonatynyń irikteý kezeńi aıasynda Andorraǵa qarsy matchqa daıyndalady. Bul oıyn 5 maýsymda saǵat 19:30-da «Astana Arena» stadıonynda bolady.

Sodan keıin Dastan Sátpaev qaıtadan ulttyq quramanyń sapyna oralyp, Soltústik Makedonııaǵa qarsy kezdesýge daıyndyqty jalǵastyrady, — dedi ol.

Jattyqtyrýshylar shtabynyń sheshimi boıynsha Dastan Sátpaev Belarýspen ótetin joldastyq matchqa qatyspaıdy.

Dastan KENJALIN,

ASTANA