«رولان گارروس»: دانيلينا ءتۋرنيردىڭ ءبىرىنشى راكەتكاسىن جەڭىپ، جارتىلاي فينالعا شىقتى

قازاقستاننىڭ جۇپتىق سىنداعى ءبىرىنشى، الەمنىڭ 17-راكەتكاسى اننا دانيلينا «رولان گارروس» ءتۋرنيرىنىڭ جارتىلاي فينالىنا شىقتى.

ول شيرەك فينالدا سەربيالىق الەكساندرا كرۋنيچپەن بىرگە «ۇلكەن دۋلىعا» ءتۋرنيرىنىڭ ءبىرىنشى راكەتكالارى، چەحيالىق كاتەرجينا سينياكوۆا مەن امەريكالىق تەيلور تاۋنسەندپەن جارتىلاي فينالدىڭ جولداماسى ءۇشىن كۇش سىناستى.

ءبىرىنشى پارتيادا دانيلينا مەن كرۋنيچ قارسىلاستارىن 7:5 ەسەبىمەن جەڭدى.

ەكىنشى سەتتە سينياكوۆا مەن تاۋنسەند 6:4 ەسەبىمەن ەسە قايتاردى.

ءۇشىنشى پارتيادا دانيلينا مەن كرۋنيچ 4:0 ەسەبىمەن العا شىعىپ، دانيلينا ماتچقا دوپ بەرگەندە، 6:2 ەسەبىمەن جەڭىسكە جەتتى.

ماتچ 2 ساعات 28 مينۋتقا سوزىلدى. وسى ۋاقىتتا دانيلينا مەن كرۋنيچ دۋەتى 13 برەيك-پوينتتىڭ جەتەۋىن ءمۇلت جىبەرمەدى. سينياكوۆا مەن تاۋنسەند 11 برەيك-پوينتتىڭ بەسەۋىن پايدالاندى.

ەندى اننا دانيلينا مەن الەكساندرا كرۋنيچ دۋەتى فينالعا شىعۋ ءۇشىن نورۆەگيالىق ەيكەري نورۆەگيا مەن جاپونيالىق ەري حودزۋميمەن وينايدى. بۇل جۇپ شيرەك فينالدا رۋمىنيالىق يرينا بەگۋ مەن بەلگيالىق يانينا ۆيكمايەردى 6:4، 6:3 ەسەبىمەن جەڭدى.

داستان كەنجالين،

استانا