SportPress.kz Qazaqstan sport jańalyqtary
Fýtboldan Qazaqstan ulttyq quramasynyń bas jattyqtyrýshysy Álı Álıev 2026 jylǵy Álem chempıonatyna irikteý týrnıri aıasynda Soltústik Makedonııa quramasymen bolatyn oıyn aldynda BAQ ókilderine baspasóz máslıhatyn ótkizip, olardyń suraqtaryna jaýap berip, match týraly pikirin aıtty, dep habarlady Qazaqstan fýtbol federaııasy.
– Komanda daıyndyqty ádettegideı tártippen ótkizip jatyr. Josparlanǵan daıyndyq kezeńin aıaqtadyq. Búgin sońǵy jattyǵýymyz bolady. Onda keıbir standarttyq jaǵdaılardy pysyqtaımyz. Komandanyń fızıkalyq, moraldyq jaǵdaıy jaqsy, oıynǵa tolyq daıynbyz dep oılaımyn. Georgıı Jýkovtyń kishigirim jaraqaty bar. Sońǵy medıınalyq tekserýdiń qorytyndysy onyń erteńgi oıynda alańǵa shyǵý-shyqpaýyn anyqtaıdy. Al qalǵan oıynshylar sapta, barlyǵy jeńis úshin bar kúshin salýǵa daıyn.
– Belarýspen matchta komanda tabıǵı shópte oınady, al erteńgi match jasandy alańda bolady. Bul qıyndyq týdyrmaı ma?
– Árıne, alań sapasy men jabyndysynyń aýysýy áser etedi. Belarýste match aldynda qatty jaýǵan jaýynnyń kesirinen alań aýyr boldy. Tipti, oıynnyń bastalýyn belgisiz ýaqytqa keıinge shegerýge týra keldi. Alań ózgerisi qanshalyqty áser etetinin erteńgi oıyn kórsetedi. Bastysy – «Astana Arena» — óz alańymyz. Munda eki jattyǵý ótkizdik. Oıynshylardyń bul jabyndyǵa beıimdelip úlgergenine senemin. Bul faktor áser etpeıdi dep úmittenemin.
– Qurama sapynda Belarýspen joldastyq oıynmen salystyrǵanda qandaı ózgerister bolady?
– Joldastyq kezdesýlerdiń maqsaty – oıyn tájirıbesi az fýtbolshylarǵa múmkindik berý. Bul – daıyndyq kezeńiniń bir bóligi. Bul pikirimdi Maksım de rastaıdy: Belarýspen ótken oıyn aldyn ala josparlanǵan. Kimniń qansha mınýt oınaıtyny belgili boldy. Biz jas oıynshylarymyz – Jagorov pen Jumahanovty synap kórýimiz kerek boldy. Joldastyq kezdesýler arqyly oıynshylar ulttyq quramanyń júıesine birtindep beıimdeledi. Erteńgi matchta alańǵa shyǵatyn oıynshynyń barlyǵy Belarýspen ótken oıynda tájirıbe jınap úlgerdi. Qazir olardyń moraldyq jáne fızıkalyq jaı-kúıin baǵalap, «Astana-Arenada» kim negizgi quramda oınaıtynyn sheshemiz.
– Soltústik Makedonııanyń Belgııamen oıynyn kórdińizder me? Qarsylas jaıly ne aıtasyz?
– Iá, árıne, kórdik. Biz qarsylasymyzdyń irikteý kezeńindegi barlyq oıynyn qarap shyqtyq, taldaý jasap, oıynshylarǵa kórsettik. Soltústik Makedonııa – óte myqty komanda. Quramynda Eýropanyń úzdik chempıonattarynda oınaıtyn fýtbolshylar bar. Ýels pen Belgııaǵa qarsy kezdesýlerde olar oıyn sońynda esepti teńestirip, minez kórsetti. Komanda qarapaıym emes, ózine tán oıyny bar. Biraq men bizdiń jigitterge senemin.
– Stas Pokatılov quramnan ketti degen aqparatqa pikirińiz qandaı?
– Qaqpashylarǵa qatysty jumysqa Oleg Igorevıch Voskoboınıkov jaýap beredi. Biz únemi baılanystamyz. Ol Qazaqstan chempıonatynda oınaıtyn barlyq qaqpashymen sóılesip otyrady. Pokatılovqa kelsek, biz bárin aldyn ala josparladyq. Kim Belarýspen, kim Soltústik Makedonııamen oınaıtyny naqty belgili boldy. Barlyq oıynshy bul sheshimnen habardar. Stas bul jaǵdaıdy túsinistikpen qabyldady. Sondyqtan eshteńeden sebep izdeýdiń qajeti joq. Biz oıynshylardan eshteńe jasyrmaımyz, olar da bizge ashyq.
– Siz Marat Bystrovty shaqyrdyńyz, Baqtııar Zaınýtdınov komandamen jattyǵyp júr. Biraq Ramazan Orazov shaqyrylmady. Sebebi nede?
– Men quramnyń sońǵy tizimin jarııalamas buryn Ramazan Orazovpen jeke sóılestim. Qazirgi ýaqytta onyń klýbynda oıyn tájirıbesi joq ekenin aıtyp, jaǵdaıdy túsindirdim. Buǵan deıin Ýels jáne Lıhtenshteınmen bolǵan matchtarǵa tájirıbesi jetispese de shaqyrdyq. Lıhtenshteınge qarsy oıynda jaqsy oınap, ózin kórsetti. Odan keıin de habarlastyq. Men oǵan onyń basty qarýy – pressıng, fızıkalyq daıyndyǵy men agressııa ekenin aıttym. Alaıda turaqty oıyn tájirıbesi bolmasa, tolyqqandy básekelestikke tótep bere almaıdy. Biz Orazovqa bárin ashyq jetkizdik. Eger ol klýbynda turaqty oınasa, qaıtadan ulttyq quramaǵa keledi. Marat Bystrov ta sol jaǵdaımen shaqyrylǵan. Ýelske qarsy oıynda óte senimdi oınady, Lıhtenshteınmen matchta Samorodovqa nátıjeli pas berdi. Ol babyna tez kelip jatyr, tek qajetti jattyǵý rejımin berý kerek. Zaınýtdınovke kelsek – biz «Beshiktashtyń» medıınalyq shtabymen sóılestik.
Olar Baqtııarǵa jattyǵýǵa jáne oıyndarǵa qatyspaýǵa resmı ótinish jiberdi. Odan keıin Baqtııardyń ózi Astanaǵa kelip, ulttyq quramanyń dárigerlerine qaralýǵa nıet bildirdi. Ol medıınalyq tekserýden ótti. Dene daıyndyǵy bapkerlerimen birge jumys istedi. Nátıjesinde oǵan sprıntsiz, júktemesi jeńil jattyǵýlar jasaýǵa ruqsat berildi. Baqtııar qurammen birge, ol komandany qoldaý úshin osynda. Onyń osynda bolýy komandalyq atmosferaǵa oń áser etip jatyr.
