Qazaqstan Ulttar kýbogynda jartylaı fınalǵa shyqty

Voleıboldan Qazaqstan áıelder quramasy Vetnamnyń astanasy – Hanoı qalasynda ótip jatqan AVC Ulttar kýbogy toptyq kezeńiniń besinshi matchynda Fılıppın quramasymen oınap, 0:3 (21:25, 15:25, 19:25) esebimen ese jiberdi.

Fılıppın V tobynda birinshi orynǵa shyqty. Osyǵan deıin Qazaqstan 12, Fılıppın 10 upaı jınaǵan edi. Sondyqtan ulttyq quramaǵa óz tobynda birinshi orynda  qalýy úshin 2:3 esebimen jeńilse de, jetkilikti edi. Alaıda otandastarymyzdyń Fılıppın voleıbolshylarymen joly bolmaı, ekinshi orynyn saqtap, 1/2 fınalǵa shyqty.

Endi Qazaqstan jartylaı fınalda Vetnam komandasymen oınaıdy. Bul eldiń quramasy týrnırdiń basty favorıti. Byltyr ulttyq qurama fınalǵa deıin jetip, Vetnamnyń dál osy komandasynan jeńilgen edi.

Dastan KENJALIN,

ASTANA