Daryn Qonysbaev trıatlonnan Azııa kýbogynyń ıegeri atandy

Aqmola oblysynyń Býrabaı qalasynda trıatlonshy Daryn Qonysbaev Azııa kýbogynyń tegeri atandy.

Oǵan Ońtústik Koreıa, Qyrǵyzstan, Qazaqstan, О́zbekstan jáne Japonııadan basqa, Belarýs, Chehııa, Germanııa, Moldova, Reseı, Estonııa, Túrkııa elderinen 120-dan astam sportshy qatysty.

Týrnır World Triathlon uıymynyń qurlyqtyq kúntizbesi aıasynda boldy. Ol Álem jáne Azııa chempıonattary aldyndaǵy mańyzdy daıyndyq esebinde uıymdastyryldy.

Jarysta Daryn Qonysbaev 1:46:28 nátıjesimen birinshi oryndy jeńip aldy. Odan keıingi oryndardy reseılik Roman Mıneev pen germanııalyq Tıll Kramp ıelendi. Al qyzdar arasyndaǵy jasóspirimder jarysynda el quramasynan Dıana Erjanova altyn medalǵa ıe boldy. Onyń kórsetkishi — 1:08:20. О́zbekstandyq Dıana Bıktımırova men otandasymyz Ánel Isabaeva úzdik úshtikten kórindi.

Erler arasyndaǵy jasóspirim jarysynda Elmurat Qanaı, Ilıa Krýpıakov, Ramazan Aınegovke de júldeli oryndar buıyrdy.

Buǵan deıin taekvondoshylar halyqaralyq týrnırlerde 8 medal alǵan edi.

Dastan KENJALIN,

ASTANA