پاراۆولەيبولشىلار العاش رەت ازيا چەمپيونى اتاندى

قىتايدىڭ حانچجوۋ قالاسىندا ۆولەيبولدى وتىرىپ ويناۋدان قازاقستان قۇراماسى  ازيا چەمپيونى بولدى، دەپ حابارلادى قازاقپارات.

قازاقستان كومانداسى فينالدا قىتاي قۇراماسىمەن التىن جۇلدەنى ساراپقا سالدى.

العاشقى ەكى پارتيادا الاڭ يەلەرى 25:15، 25:19 ەسەبىمەن باسىم ءتۇستى.

ۇشىنشىسىندە وتانداستارىمىز 25:19 ەسەبىمەن ەسە قايتاردى.

ءتورتىنشى سەتتە الدىمەن قىتايلىقتار 10:5 ەسەبىمەن العا شىقتى. دەگەنمەن باۋىرجان تاحاۋوۆتىڭ كومانداسى تارازى باسىن تەڭەستىرىپ، 25:20 ەسەبىمەن جەڭدى.

بەسىنشى پارتيادا قىتايلىقتار قازاقستان جاساعىن توقتاتا المادى. ۇلتتىق قۇراما 15:8 ەسەبىمەن جەڭىسكە جەتتى. قورىتىندى ەسەپ – 3:2.

وسىلايشا، ۆولەيبولدى وتىرىپ ويناۋدان قازاقستان قۇراماسى كامبەك جاساپ، العاش رەت ءوز تاريحىندا ازيا چەمپيونى اتاندى.

قازاقستان قۇراماسىنىڭ باس جاتتىقتىرۋشىسى باۋىرجان تاحاۋوۆ ءوز كومانداسىنا ريزا ەكەنىن، جىگىتتەردىڭ جاقسى ويىن ورنەگىن كورسەتە بىلگەنىن ايتتى.

بىلتىر پاريج پاراليمپياداسىنا قاتىسىپ، بەسىنشى ورىنعا تابان تىرەگەن قۇراما بيىل وسىنداي تاريحي تابىسقا جەتىپ وتىر.