ەۋروكۋبوكتىڭ جەرەبەسى: قازاقستان كلۋبتارىنىڭ قارسىلاستارى انىقتالدى

ەلىمىزدىڭ ءۇش فۋتبول كلۋبىنىڭ ەۋروپا كۋبوكتارىنداعى قارسىلاستارى بەلگىلى بولدى. الماتىنىڭ «قايرات» كومانداسى ۋەفا چەمپيوندار ليگاسىندا سلوۆەنيانىڭ «وليمپيا» كلۋبىمەن وينايدى. ولار 8-9 شىلدە جانە 15-16 شىلدە كۇندەرى كەلەسى كەزەڭ جولداماسىن ساراپقا سالادى.

«اقتوبە» مەن شىمكەنتتىڭ «ورداباسى» جاساقتارىنىڭ دا قارسىلاستارى انىقتالدى.

اقتوبەنىڭ كلۋبى ەۋروپا ليگاسىنىڭ العاشقى ىرىكتەۋ ساتىسىندا پولشانىڭ «لەگيا» (ۆارشاۆا) كلۋبىنا قارسى وينايدى. ماتچتار 10 جانە 17 شىلدەگە جوسپارلانعان. ال شىمكەنتتىڭ «ورداباسى» كومانداسى كونفەرەنتسيا ليگاسى ءبىرىنشى اينالىمىندا گرۋزيانىڭ «تورپەدو» (كۋتايسي) كلۋبىمەن كۇش سىناسادى.

«استانا» ويىنىن ەكىنشى ىرىكتەۋ كەزەڭىنەن باستايدى. ونىڭ جەرەبەسى 18 ماۋسىمدا تارتىلادى.

داستان كەنجالين،

استانا