قازاقستان سەمسەرلەسۋدەن ازيا چەمپيوناتىنىڭ كۇمىس جۇلدەگەرى اتاندى

يندونەزيانىڭ بالي قالاسىندا ءوتىپ جاتقان سەمسەرلەسۋدەن ازيا چەمپيوناتىندا قازاقستان ەرلەر كومانداسى كۇمىس مەدالگە يە بولدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

فينالدا قازاقستان مەن الەمدەگى كوشباسشىنىڭ ءبىرى، وليمپيادا چەمپيونى جاپونيا قۇراماسىمەن سىنعا ءتۇسىپ، 24:45 ەسەبىمەن جەڭىلىپ قالدى. قازاقستان قۇراماسىندا رۋسلان كۋربانوۆ، ەرلىك سەرتاي، ەلمير ءالىمجانوۆ، ۆاديم شارلايموۆ پەن كيريلل پروحودوۆ سىپعا ءتۇستى، — دەلىنگەن حابارلامادا.

چەمپيوناتتا قازاقستان قۇراماسى 1/16 فينالدا تۇركمەنستاننان، كەيىن سينگاپۋردى، جارتىلاي فينالدا قىتايدان باسىم ءتۇستى. وسىعان دەيىن چەمپيوناتتا ۆاديم شارلايموۆ جەكەلەي سىندا قولا جۇلدەگەر اتانعان بولاتىن.