World Boxing: Qazaq boksshylary kelesi aınalymǵa shyqty

Bokstan Jaqsylyq Úshkempirov atyndaǵy Jekpe-jek saraıynda otandastarymyz úshin Álem kýbogynyń birinshi jarys kúni máresine jetti, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Kúndizgi sessııada úsh dúrkin álem chempıony Nazym Qyzaıbaı (48 kg) men Ánel Saqysh (54 kg) sátti debıýt jasasa, ókinishke qaraı, 70 kelidegi Abylaıhan Júsipov qabaǵynyń jarylýyna baılanysty týrnırdi aıaqtaýǵa májbúr boldy.

Keshki sessııada álem chempıonatynyń kúmis júldegeri Vıktorııa Grafeeva (60 kg) men Natalıa Bogdanova (70 kg) da qarsylastarynan basym tústi, — delingen habarlamada.

Astana tórinde rekordtyq 29 elden 300-ge jýyq boksshy bas qosty. Birinshi kezeńde (Brazılııa) 19 el qatyssa, ekinshi kezeńde (Polsha) 24 memleket júldege talasqan.

Sportty damytý dırekııasynyń habarlaýynsha, bir aptaǵa sozylatyn dodada Qazaqstan quramasy barlyq 20 salmaqta (er jáne áıel) eń úzdik boksshylaryn qatystyrady. Olardyń arasynda jeti álem chempıony (Nazym Qyzaıbaı, Alýa Balqybekova, Aıda Ábikeeva, Sanjar Táshkenbaı, Mahmud Sabyrhan, Nurbek Oralbaı, Bekzad Nurdáýletov) jáne eki Parıj Olımpıadasynyń júldegeri (Nazym Qyzaıbaı men Nurbek Oralbaı) bar.

Aıta ketetini, 30 naýryz — 6 sáýir aralyǵynda Fos-dý-Igýasý (Brazılııa) qalasyndaǵy alǵashqy kezeńde jerlesterimiz 3 altyn, 3 qola júlde jeńip alǵan bolatyn. Salystyrmaly túrde sol kezde quram 100 paıyzǵa tolyqtaı jańardy.

Buǵan deıin Astana qalasy Álem kýbogynyń komandalyq básekesin sonaý 2002 jyly qabyldap, Gennadıı Golovkın, Muhtarhan Dildábekov, Galıb Jafarov syndy jerlesterimiz kúmis medaldi jeńip alǵan bolatyn.

Astana qalasynyń turǵyndary jekpe-jekterdi kúndiz 14:00 jáne keshke 19:00-de eki sessııa boıynsha tamashalaı alady.