Almaty ارناسى اقىن ورداباي ۇلىن ماراپاتتادى

جۋىردا Almaty تەلارناسى شاعىن فۋتبولدان الامان جارىس ۇيىمداستىرعان بولاتىن. سول تۋرنيردە تەلەارنا تۋرالى ماقالالارعا كونكۋرس جاريالايتىنىن جاريا ەتكەن ەدى. مەن قالامدى قولعا الىپ ءبىر كولەمدى ماقالا جازىپ سايىستا ءبىر باعىمدى بايقاپ كورەيىن دەپ جىبەرگەنمىن.

مىنە، اللا تاعالا ءناسىپ ەتىپ، ماقالام ۇزدىك بولىپ تانىلىپتى. Almaty تەلەارناسىنىڭ باس پروديۋسەرى راليدا حانىم مەن ايتۋلى اقپارات قۇرالىنىڭ ارداقتى ازاماتى الماس مەنى باق رەداكتسياسىنا شاقىرىپ، ماراپاتىمدى قۇرمەتتەن تابىس ەتتى.

نەگىزى مەن جىلدار بويى اقپاراتتىڭ تولقىنى تاسقىنداپ جاتقان تەلەارنالاردىڭ اراسىندا ءوزىمنىڭ جاستىق داۋرەن وتكەن سۇيىكتى قالامنىڭ ءومىرىن ۇزبەي تاسپالاپ بەرىپ كەلگەن Almaty تەلاراناسىن ايىرىقشا جاقسى كورەتىنىم راس ەدى.

«جاقسىلىقتىڭ جولى ۇزىن»، دەمەكشى، ەكى كۇن بۇرىن عانا الپىسىمدى قارسى الىپ ەنتىگىمدە ەندى باسقاندا بۇل ماراپات قۋانىشىمدى ەسەلەي تۇسكەن عاجاپ ءبىر ءسات بولدى. الپىسىما اللا سىي ەتكەن ەكەن دەپ ءتۇيدىم. اللاعا سانسىز شۇكىر ايتامىن. «نە ەكسەڭ سونى وراسىڭ»، دەگەندەي جىلدار بويى تاباندى تۇردە جازبامنان قول ۇزبەي، قالاممەن ايىرىلماس دوس بولعان مەن ءۇشىن ەڭبەگىڭنىڭ جەمىسىن كورۋ زور باقىت. اللا بەرگەن كۇش-قۋاتىم بويىمدا باردا ءالى دە ءدۇبىرلى سپورتتىق، قالامگەرلىك الامانداردان قالماي شابىت الىپ شاپقىلاي بەرگىم كەلەدى.

اقىن ورداباي ۇلى،

الماتى