SportPress.kz Qazaqstan sport jańalyqtary
Jýyrda Almaty telarnasy shaǵyn fýtboldan alaman jarys uıymdastyrǵan bolatyn. Sol týrnırde telearna týraly maqalalarǵa konkýrs jarııalaıtynyn jarııa etken edi. Men qalamdy qolǵa alyp bir kólemdi maqala jazyp saıysta bir baǵymdy baıqap kóreıin dep jibergenmin.
Mine, Alla taǵala násip etip, maqalam úzdik bolyp tanylypty. Almaty telearnasynyń bas prodıýseri Ralıda hanym men aıtýly aqparat quralynyń ardaqty azamaty Almas meni BAQ redakııasyna shaqyryp, marapatymdy qurmetten tabys etti.
Negizi men jyldar boıy aqparattyń tolqyny tasqyndap jatqan telearnalardyń arasynda ózimniń jastyq dáýren ótken súıikti qalamnyń ómirin úzbeı taspalap berip kelgen Almaty telaranasyn aıyryqsha jaqsy kóretinim ras edi.
«Jaqsylyqtyń joly uzyn», demekshi, eki kún buryn ǵana alpysymdy qarsy alyp entigimde endi basqanda bul marapat qýanyshymdy eseleı túsken ǵajap bir sát boldy. Alpysyma Alla syı etken eken dep túıdim. Allaǵa sansyz shúkir aıtamyn. «Ne ekseń sony orasyń», degendeı jyldar boıy tabandy túrde jazbamnan qol úzbeı, qalammen aıyrylmas dos bolǵan men úshin eńbegińniń jemisin kórý zor baqyt. Alla bergen kúsh-qýatym boıymda barda áli de dúbirli sporttyq, qalamgerlik alamandardan qalmaı shabyt alyp shapqylaı bergim keledi.
Aqyn ORDABAIULY,
ALMATY
