Dastan Sátpaev Chempıondar lıgasynda gol salǵan eń jas fýtbolshy atandy

Almatynyń «Qaırat»  fýtbol klýbynyń oıynshysy Dastan Sátpaev otandyq komandalar arasynan UEFA Chempıondar lıgasy birinshi irikteý kezeńinde gol salǵan eń jas fýtbolshy atandy.

Ol Slovenııanyń «Olımpııa» jasaǵymen matchtyń 59-mınýtynda áriptesi Jorjınonyń bergen pasyn tıimti paıdalanyp, qaqpany dál kózdedi.  Alaıda alań ıeleriniń Dıogý Pınto degen fýtbolısi 66-mınýtta esepti teńestirip, komandasyn jeńilisten qutqaryp qaldy. Bul oıyn osylaı, 1:1 esebimen aıaqtaldy.

Sátpaev buǵan deıin «Aqtóbeniń» quramynda Eýrododa oınaǵan Iýrıı Logvınenkonyń nátıjesin jańartty (17 jas, 11 aı, 27 kún). Al Sátpaevtyń jasy Slovenııanyń «Olımpııa» qaqpasyna gol salǵan kezde 16 jas 10 aı 26 kún bolǵan. Bul kórsetkish oǵan týrnır tarıhyndaǵy eń jas úsh gol avtorynyń qataryna enýge múmkindik berdi.

Absolıýtti rekord shved Nıklas Berkrotqa tıesili. Ol 2008 jyly «Gıoteborg» sapynda 16 jas 6 aıynda «Mýrataǵa» qarsy matchta nysanany dál kózdegen. Ekinshi orynda polıak Vlodzımej Lıýbanskı tur.

Alaıda ÝEFA resmı esebinde tek toptyq týrnır men odan keıingi týrnırde soǵylǵan goldar esepke alynady. Bul tizimde kóshbasshy – ıspanııalyq Ansý Fatı. Ol «Interge» qarsy oıynda 17 jas 40 kúninde goldyń avtory atanǵan. Sátpaev irikteý týrnırin qosqanda, úshinshi orynda tur.

Endi ekinshi oıyn 15 shildede Almaty qalasynda bolady. Eger «Qaırat» kelesi aınalymǵa shyqsa, «KýPS» (Fınlıandııa) nemese «Mılsamı» (Moldova) komandalarynyń birimen oınaıdy.

Bıyl «Aqtóbe» Eýropa lıgasy, «Ordabasy» jáne «Astana» Konferenııa lıgasynda el namysyn qorǵaıdy.

Dastan KENJALIN,

ASTANA