Chempıondar lıgasy: «Qaırattyń» kelesi qarsylasy anyqtaldy

Almatynyń «Qaırat» fýtbol klýbynyń UEFA Chempıondar lıgasy ekinshi irikteý kezeńindegi qarsylasy anyqtaldy.

Endi «Qaırat» Fınlıandııanyń «KýPS» komandasymen oınaıdy. «Qaırat» alǵashqy oıynyn 22 shildede syrt alańda ótkizse, 29 shilde qarsylasymen Almatyda jasyl alańǵa shyǵady.

Almatynyń klýby birinshi irikteý kezeńinde Slovenııanyń «Olımpııa» komandasymen alǵashqy oıynda 1:1 esebimen teń túsip, ekinshi matchta 2:0 esebimen jeńiske jetti.

«Qaırat» Eýrokýbok oıyndaryna sońǵy eki jylda ǵana qatysqan joq. 2022/23 jylǵy maýsymda Konferenııa lıgasy ekinshi irikteý kezeńinde Vengrııanyń «Kıshvarda» (0:1, 0:1) komandasynan eki márte jeńilip qaldy.

Sonymen birge bıyl «Aqtóbe» Eýropa lıgasy, «Ordabasy» jáne «Astana» Konferenııa lıgasynda el namysyn qorǵaıdy.

Dastan KENJALIN,

ASTANA