Konferenııa lıgasy: «Ordabasy» bıylǵy jaryspen qosh aıtysty

Shymkenttiń «Ordabasy» fýtbol klýby UEFA Konferenııa lıgasyndaǵy oıyndaryn birinshi irikteý kezeńinde aıaqtady.

Ońtústiktiń komandasy Grýzııanyń «Torpedo» (Kýtaısı) klýbymen oınap, 1:1 esebimen teń tústi. Sonyń kesirinen «Ordabasy» ekinshi aınalymǵa shyǵa almady. Sebebi, Kýtaısıde bolǵan birinshi matchta alańıeleri Shymkenttiń jasaǵyn 4:3 esebimen jeńgen edi.

«Ordabasy» ekinshi oıynda da jeńilip qala jazdady. Bul matchta birinshi bolyp qonaqtar esep ashty. 45-mınýtta «Torpedo» sapyndaǵy Iraklıı Bıdzınashvılı goldyń avtory atandy.

Ekinshi taımda grýzııalyq komandadan Solomon Kverkvelııa 49-mınýtta qyzyl qaǵazben alańnan qýyldy. Soǵan qaramastan «Torpedo» toqsanynshy mınýtqa deıin alań ıelerine berispeı, esepti saqtap turdy.

Oıynnyń 95-mınýtynda «Ordabasy» quramyndaǵy Abylaıhan Jumabek tarazy basyn teńestirip, komandany jeńilisten saqtap qaldy. Solaı bolsa da klýb ekinshi aınalymǵa shyǵa almady.

Budan buryn Almatynyń «Qaırat» klýby UEFA Chempıondar lıgasynyń birinshi irikteý týrnırinde Slovenııanyń «Olımpııa» komandasyn (1:1, 2:0) jeńip, ekinshi aınalymǵa joldama aldy. Al «Astana» atalǵan týrnırdi ekinshi irikteý satysynan bastaıdy.

Dastan KENJALIN,

ASTANA