SportPress.kz قازاقستان سپورت جاڭالىقتارى
27 جاستاعى پاراسپورتشى اقنازار ءمۇتالىپوۆ 8 شىلدەدە بالقاش كولىن ءبىر جاعالاۋىنان ەكىنشى جاعالاۋىنا دەيىن 13 ساعاتتا 20 شاقىرىمدى ءجۇزىپ ءوتتى. بۇل حاباردى ول ءوزىنىڭ الەۋمەتتىك جەلىدەگى پاراقشاسىندا جاريالادى.
ول ءبىر قولى مەن ءبىر اياعى بولماسا دا ادامنىڭ نامىسقا تىرىسسا قيىن جاعدايدىڭ ءبارىن جەڭە الاتىنىن دالەلدەگەسى كەلگەن.
مەن ءجۇزۋ ارقىلى ەڭ الدىمەن وزىمە، ودان كەيىن بۇكىل جەر-جۇزىنە ادامنىڭ ءبىر قول، ءبىر اياقسىز دا كەز كەلگەن كەدەرگىنى ەڭسەرە الاتىنىن دالەلدەگىم كەلدى. ارينە، مەن الەمدىك رەكورد جاساعىم كەلەدى، – دەدى سپورتشى.
قازىر سپورتشى بۇل جەتىستىگىن گيننەستىڭ رەكوردتار كىتابىنا رەسمي تىركەۋ ءۇشىن دەمەۋشىلەر مەن قولداۋشىلار ىزدەپ جاتىر.
اقنازار ءمۇتالىپوۆ مەكتەپ بىتىرگەن سوڭ تەمىرجول سالاسىندا جۇمىس ىستەي باستايدى.
2018 جىلى وندىرىستىك جاراقات الىپ، ءومىرى كۇرت وزگەرەدى. جاراقاتتان كەيىن اقنازار ءمۇتالىپوۆ بالقاشتىڭ جاعاسىنا ءجيى بارىپ، سۋدا ءجۇزىپ كورەدى. وسىدان كەيىن ول سانالى تۇردە پاراسپورتتى تاڭداپ، باسسەينگە جازىلىپ، كاسىبي جاتتىقتىرۋشىنىڭ قول استىندا جۇيەلى دايىندىققا كىرىسەدى.
ول 2024 جىلى تارازدا وتكەن جارىستا 400 مەترگە جۇزۋدەن ءبىرىنشى ورىندى جەڭىپ الدى. سودان كەيىن ول بۋراباي كولىن ءجۇزىپ ءوتۋدى الدىنا ماقسات ەتىپ قويادى.
وسى ماقساتىنا ول 2،5 شاقىرىمدى 1 ساعاتتا ءجۇزىپ جەتتى.
سول جىلى اقنازار ءمۇتالىپوۆ قازاقستان چەمپيونى اتانىپ، 2025 جىلى سپورت شەبەرلىگىنە كانديدات اتاعىن الدى.
