SportPress.kz Qazaqstan sport jańalyqtary
27 jastaǵy parasportshy Aqnazar Mútálipov 8 shildede Balqash kólin bir jaǵalaýynan ekinshi jaǵalaýyna deıin 13 saǵatta 20 shaqyrymdy júzip ótti. Bul habardy ol óziniń áleýmettik jelidegi paraqshasynda jarııalady.
Ol bir qoly men bir aıaǵy bolmasa da adamnyń namysqa tyryssa qıyn jaǵdaıdyń bárin jeńe alatynyn dáleldegesi kelgen.
Men júzý arqyly eń aldymen ózime, odan keıin búkil jer-júzine adamnyń bir qol, bir aıaqsyz da kez kelgen kedergini eńsere alatynyn dáleldegim keldi. Árıne, men álemdik rekord jasaǵym keledi, – dedi sportshy.
Qazir sportshy bul jetistigin Gınnestiń rekordtar kitabyna resmı tirkeý úshin demeýshiler men qoldaýshylar izdep jatyr.
Aqnazar Mútálipov mektep bitirgen soń temirjol salasynda jumys isteı bastaıdy.
2018 jyly óndiristik jaraqat alyp, ómiri kúrt ózgeredi. Jaraqattan keıin Aqnazar Mútálipov Balqashtyń jaǵasyna jıi baryp, sýda júzip kóredi. Osydan keıin ol sanaly túrde parasportty tańdap, basseınge jazylyp, kásibı jattyqtyrýshynyń qol astynda júıeli daıyndyqqa kirisedi.
Ol 2024 jyly Tarazda ótken jarysta 400 metrge júzýden birinshi oryndy jeńip aldy. Sodan keıin ol Býrabaı kólin júzip ótýdi aldyna maqsat etip qoıady.
Osy maqsatyna ol 2,5 shaqyrymdy 1 saǵatta júzip jetti.
Sol jyly Aqnazar Mútálipov Qazaqstan chempıony atanyp, 2025 jyly sport sheberligine kandıdat ataǵyn aldy.
